അല്‍ജീരിയയില്‍ ഇടക്കാല പ്രസിഡന്റായി അബ്ദുല്‍ ഖാദിര്‍ ബിന്‍ സലാഹിനെ തിരഞ്ഞെടുത്തു

അല്‍ജൈര്‍: അല്‍ജീരിയയില്‍ ഇടക്കാല പ്രസിഡന്റായി അബ്ദുല്‍ ഖാദിര്‍ ബിന്‍ സലാഹിനെ തിരഞ്ഞടുത്തു. ശക്തമായ ജനകീയ പ്രക്ഷോഭത്തെ തുടര്‍ന്ന് അധികാരമൊഴിഞ്ഞ അല്‍ജീരിയന്‍ പ്രസിഡന്റ് അബ്ദുല്‍ അസീസ് ബൂത്തഫ്‌ലീഖയ്ക്കു പകരമായാണ് തിരഞ്ഞെടുത്തത്. അടുത്ത മൂന്നു മാസത്തേക്കാണ് ബിന്‍ സലാഹിനെ പ്രസിഡന്റായി അല്‍ജീരിയന്‍ പാര്‍ലിമെന്റ് തിരഞ്ഞടുത്തത്. കഴിഞ്ഞ ആഴ്ച ചേര്‍ന്ന ഭരണഘടന കൗണ്‍സില്‍ ബിന്‍ സഹാലിനെ നിയമിക്കണമെന്ന് ആവശ്യപ്പെട്ടിരുന്നു. രണ്ടു മാസത്തിലേറെ നീണ്ട ജനകീയ പ്രക്ഷോഭങ്ങള്‍ക്കൊടുവില്‍ കഴിഞ്ഞ ആഴ്ചയാണ് രാജ്യത്തെ ഏകാധിപത്യ ഭരണാധികാരിയായിരുന്ന അബ്ദുല്‍ അസീസ് ബൂത്തഫ്‌ലിഖ 20 വര്‍ഷം നീണ്ട ഭരണത്തിനു ശേഷം രാജിവച്ചത്.