ഇങ്ങനൊരു കള്ളന് വീട്ടില് വരാന് ആരും ആഗ്രഹിക്കും
കാലഫോര്ണിയ: കള്ളന്മാര് എന്ന് കേട്ടാല് തന്നെ നെഞ്ചിലൊരാളലാണ് മിക്കവര്ക്കും. ജീവിതത്തോട് പൊരുതി നേടിയ പലതും ഒരൊറ്റ നിമിഷം കൊണ്ട് അപഹരിക്കാന് കഴിവുള്ളതുകൊണ്ടാണ് കള്ളന്മാരെ നമുക്ക് പേടി. എന്നാല് ഇതില് നിന്നെല്ലാം വിത്യസ്തനാണ് ഒരു അമേരിക്കന് കള്ളന്.ഒരു മൊട്ടുസൂചിപോലും മോഷ്ടിക്കാതെയാണ് അജ്ഞാതനായ ഈ കള്ളന് താരമായത്.
നാത് റോമന് എന്ന 44കാരന്റെ വീട്ടിലാണ് അപൂര്വങ്ങളില് അപൂര്വമായി ഈ സംഭവം നടന്നത്. അമേരിക്കയിലെ മസാച്ചുസെറ്റ്സില് താമസിക്കുന്ന നാത് മെയ് 15നാണ് വീട് വിട്ട് പുറത്തുപോവുന്നത്. തുടര്ന്ന് മണിക്കൂറുകള്ക്ക് ശേഷം വീട്ടില് തിരിച്ചെത്തി. എന്നാല് വീട്ടില് നിന്നും ഇറങ്ങിയ പോലെയായിരുന്നില്ല തിരച്ചെത്തിയപ്പോള് ! വീടിനുള്ളില് അലങ്കോലമാക്കി കിടന്ന റൂം വൃത്തിയാക്കി വച്ചിരിക്കുന്നു. ഒരു ബാച്ച്ലര് ആയി ജീവിക്കുന്നതിന്റെ എല്ലാ അലങ്കോലങ്ങളും നിറഞ്ഞുനിന്ന വീടാണ് മണിക്കൂറുകള്ക്കുള്ളില് അടുക്കും ചിട്ടയുമുള്ള ഒരിടമായത്. ബെഡ്ഡ് ഷീറ്റ് ഭംഗിയായി വിരിച്ചതുമുതല് കക്കൂസ് വൃത്തിയാക്കിയതുവരെ സംഭവിച്ചിരിക്കുന്നു. കൂടാതെ അഥിതിയെ സ്വീകരിക്കാനെന്ന മട്ടില് ബാത്ത്റൂമില് ടോയ്ലറ്റ് പേപ്പര് കൊണ്ട് റോസാപ്പൂക്കളും ഉണ്ടാക്കി വച്ചിരിക്കുന്നു. ഇതെല്ലാം കണ്ട് അന്തംവിട്ട് നാത് പോലിസിനെ വിവരം അറിയിച്ചു. പോലിസ് വന്ന് പരിശോധിച്ചെങ്കിലും ഒരു മൊട്ടുസൂചി പോലും മോഷ്ടിക്കപ്പെട്ടിട്ടില്ലാത്തതിനാല് പരാതി എടുത്തില്ല. വളരെ വിചിത്രമായ സംഭവമാണെന്നും ഇതുവരെ മേഖലയില് ഇങ്ങനെയൊരു സംഭവം റിപോര്ട്ട് ചെയ്തിട്ടില്ലെന്നും പോലിസ് പറയുന്നു. അതേസമയം, വീട് വൃത്തിയാക്കുന്ന ജോലിക്കാര് വീട് മാറി കയറിയതാകുമെന്നാണ് പോലിസ് നിഗമനം.
എന്നാല് എല്ലാ മാസവും കള്ളന് കയറിയാല് നല്ലതാണെന്നാണ് നാത് ആഗ്രഹിക്കുന്നത്.
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT