മാന്നാറില് ഗള്ഫില്നിന്നെത്തിയ യുവതിയെ വീടാക്രമിച്ച് തട്ടിക്കൊണ്ടുപോയി; സ്വര്ണക്കടത്ത് സംഘമെന്ന് സംശയം
സംഭവത്തില് മാന്നാര് പോലിസ് കേസെടുത്തു. ഗള്ഫില് സൂപ്പര്മാര്ക്കറ്റില് അക്കൗണ്ടന്റായി ജോലിചെയ്യുകയാണ് ബിന്ദു. 15 പേരടങ്ങിയ സംഘമാണ് സംഭവത്തിന് പിന്നിലെന്ന് കുടുംബം പറയുന്നു.
ആലപ്പുഴ: മാന്നാറില് ഗള്ഫില്നിന്നെത്തിയ യുവതിയെ വീടാക്രമിച്ച് അജ്ഞാത സംഘംതട്ടിക്കൊണ്ടുപോയി. ആലപ്പുഴ മാന്നാറില് കൊട്ടുവിളയില് ബിന്ദുവിനെയാണ് തട്ടിക്കൊണ്ടുപോയത്. പുലര്ച്ചെ രണ്ടുമണിയോടെയാണ് സംഭവം. നാല് ദിവസങ്ങള്ക്ക് മുമ്പാണ് ബിന്ദു ഗള്ഫില്നിന്നെത്തിയത്. സ്വര്ണക്കടത്ത് സംഘമാണ് തട്ടിക്കൊണ്ടുപോവലിന് പിന്നിലെന്നാണ് സംശയിക്കുന്നത്. വീടിന്റെ വാതില് തകര്ത്ത ശേഷം ബലംപ്രയോഗിച്ച് ബിന്ദുവിനെ തട്ടികൊണ്ടുപോവുകയായിരുന്നു.
സംഭവത്തില് മാന്നാര് പോലിസ് കേസെടുത്തു. ഗള്ഫില് സൂപ്പര്മാര്ക്കറ്റില് അക്കൗണ്ടന്റായി ജോലിചെയ്യുകയാണ് ബിന്ദു. 15 പേരടങ്ങിയ സംഘമാണ് സംഭവത്തിന് പിന്നിലെന്ന് കുടുംബം പറയുന്നു. വീടിന്റെ ഗെയ്റ്റ് തുറന്ന് അകത്തെത്തിയ സംഘം കോളിങ് ബെല്ലടിച്ചു. മുറ്റത്ത് പത്ത് പതിനഞ്ച് പേര് കമ്പി വടിയും വടിവാളുമായി നിന്നിരുന്നു. പോലിസിനെ വിളിക്കാന് ശ്രമിച്ചെങ്കിലും അതിനുമുമ്പ് വാതില് പൊളിച്ച് അക്രമികള് അകത്തുകടന്നു. ബിന്ദുവിനെ ബലമായി പിടിച്ചുകൊണ്ടുപോവുകയായിരുന്നു. കൊടുവള്ളി സ്വദേശികളാണ് സംഭവത്തിന് പിന്നിലെന്നും വീട്ടുകാര് ആരോപിച്ചു.
ബിന്ദു ഗള്ഫില്നിന്ന് വന്ന ശേഷം രണ്ടുപേരെ വീടിന് സമീപം സംശയാസ്പദമായി കണ്ടിരുന്നു. ഇവരുടെ ചിത്രം വീട്ടുകാര് പോലിസിന് കൈമാറി. ബിന്ദുവിന്റെ പക്കല് സ്വര്ണമുണ്ടോയെന്ന് അന്വേഷിച്ച് ഫോണ്കോളുകള് വന്നിരുന്നു. എന്നാല്, ബിന്ദു ഇത് നിഷേധിച്ചതോടെ ആളുമാറിപ്പോയെന്ന് പറഞ്ഞ് സംഭാഷണം അവസാനിപ്പിച്ചതായും ബന്ധുക്കള് പറയുന്നു. ബിന്ദുവിന്റെ ഫോണ് പോലിസ് പരിശോധിച്ചുവരികയാണ്.
RELATED STORIES
തിരുവനന്തപുരത്ത് ടിപ്പര് ലോറി ശരീരത്തിലൂടെ കയറി സ്കൂട്ടര്...
7 May 2024 3:25 PM GMTഖത്തര് ജയിലിലെ ഇന്ത്യക്കാരുടെ മോചനം; തടവുകാര് കൂട്ടനിരാഹാര...
7 May 2024 2:41 PM GMTവടകരയിലെ വിദ്വേഷ പ്രചാരണം അവസാനിപ്പിക്കണം: റസാഖ് പാലേരി
7 May 2024 2:32 PM GMTനാലാമത് ലോക കേരള സഭ ജൂണ് 13 മതല് തിരുവനന്തപുരത്ത്
7 May 2024 2:26 PM GMTമലപ്പുറം സ്വദേശി ജിദ്ദയില് വാഹനാപകടത്തില് മരണപ്പെട്ടു
7 May 2024 2:18 PM GMTകൊടിഞ്ഞി ഫൈസല് വധക്കേസ്: വാദം കേള്ക്കുന്നത് ജൂണ് 26ലേക്ക് മാറ്റി
7 May 2024 2:05 PM GMT