വയനാട് പീഡനം: കേസ് ഒത്തുതീര്‍പ്പാക്കാന്‍ പൊലീസ് ശ്രമിക്കുന്നുവെന്ന് പെണ്‍കുട്ടിയുടെ മാതാപിതാക്കള്‍

വയനാട്: ആദിവാസി പെണ്‍കുട്ടിയെ ബലാല്‍സംഗം ചെയ്ത കേസില്‍ അന്വേഷണം അവസാനിപ്പിക്കാന്‍ പോലിസ് ശ്രമിക്കുകയാണെന്ന ആരോപണവുമായി പെണ്‍കുട്ടിയുടെ മാതാപിതാക്കള്‍ രംഗത്ത്. കേസിലെ പ്രതികളെ സംരക്ഷിക്കാനാണ് പോലിസുകാര്‍ ശ്രമിക്കുന്നത്. കേസില്‍ പരിഹാരം കണ്ടില്ലെങ്കില്‍ പോലിസ് സ്‌റ്റേഷന് മുന്നില്‍ സമരം തുടങ്ങും.

കോണ്‍ഗ്രസ് നേതാവ് ഒ എം ജോര്‍ജിന്റെ കീഴടങ്ങലോടെ അന്വേഷണം അവസാനിപ്പിക്കാന്‍ ശ്രമിക്കുകയാണ്. കേസ് ഒതുക്കിത്തീര്‍ക്കാന്‍ പണം വാഗ്ദാനംചെയ്ത ഐഎന്‍ടിയുസി നേതാവ് ഉമ്മറിനെ പോലിസ് അറസ്റ്റുചെയ്യുന്നില്ല. പെണ്‍കുട്ടിയെ പോലിസ് വാഹനത്തില്‍ സ്‌റ്റേഷനില്‍ കൊണ്ടുപോയി ചോദ്യംചെയ്തത് അവകാശലംഘനമാണെന്നും മാതാപിതാക്കള്‍ കുറ്റപ്പെടുത്തി.