Kerala

ആരോഗ്യം വീണ്ടെടുത്തു; ഒരുമാസത്തിനകം പൊതുപരിപാടികളില്‍ സജീവമാകും: വി എസ്

കൊവിഡ് 19 വ്യാപനത്തിനെതിരെ എല്ലാവരും ജാഗ്രത പാലിക്കണമെന്നും ആരോഗ്യ വകുപ്പിന്‍റെ നിര്‍ദ്ദേശങ്ങള്‍ പാലിക്കണമെന്നും വിഎസ് പറയുന്നു.

ആരോഗ്യം വീണ്ടെടുത്തു; ഒരുമാസത്തിനകം പൊതുപരിപാടികളില്‍ സജീവമാകും: വി എസ്
X

തിരുവനന്തപുരം: തന്റെ ആരോഗ്യം വീണ്ടെടുത്തതായും ഒരുമാസത്തിനകം പൊതുപരിപാടികളില്‍ സജീവമാകുമെന്നും ഭരണപരിഷ്കാര കമ്മീഷൻ അധ്യക്ഷൻ വി എസ് അച്യുതാനന്ദൻ. അനാരോഗ്യം കാരണം അദ്ദേഹം പൊതുരംഗത്തുനിന്ന് കുറേനാളായി വിട്ടുനിൽക്കുകയായിരുന്നു. ഫേസ് ബുക്കിലാണ് വിഎസിന്റെ സന്ദേശം. കൊവിഡ് 19 വ്യാപനത്തിനെതിരെ എല്ലാവരും ജാഗ്രത പാലിക്കണമെന്നും ആരോഗ്യ വകുപ്പിന്‍റെ നിര്‍ദ്ദേശങ്ങള്‍ പാലിക്കണമെന്നും വിഎസ് പറയുന്നു.

വിഎസിന്റെ കുറിപ്പിന്റെ പൂർണരൂപം:

പ്രിയമുള്ളവരേ,

കുറെയേറെ ദിവസങ്ങളായി, ആരോഗ്യപരമായ കാരണങ്ങളാല്‍ എനിക്ക് നിങ്ങളുമായി ആശയവിനിമയം നടത്താനോ പൊതു ചടങ്ങുകളില്‍ പങ്കെടുക്കാനോ കഴിഞ്ഞിരുന്നില്ല. ഇപ്പോള്‍ ഞാന്‍ ആരോഗ്യം വീണ്ടെടുത്തുകൊണ്ടിരിക്കുന്നു. ഒരു മാസത്തിനകം പൊതു പരിപാടികളില്‍ പങ്കെടുക്കാനാവുമെന്നാണ് പ്രതീക്ഷിക്കുന്നത്.

നാടിനെ നടുക്കിയ കൊറോണ വൈറസിന്‍റെ വ്യാപനം ഒരു ഭീഷണിയായി നിലനില്‍ക്കുന്നതിനാല്‍, എല്ലാവരും ആരോഗ്യ വകുപ്പിന്‍റെ നിര്‍ദ്ദേശങ്ങള്‍ പാലിക്കുന്നുണ്ടാവും എന്ന് കരുതുന്നു. കൂട്ടു ചേരലിലും സന്ദര്‍ശനങ്ങളിലും മിതത്വം പാലിക്കുക, വ്യക്തി ശുചിത്വം പരമാവധി പാലിക്കുക എന്നീ കാര്യങ്ങളാണ് നമുക്ക് ചെയ്യാനുള്ളത്. ആരോഗ്യ വിദഗ്ധരുടെ നിര്‍ദ്ദേശങ്ങള്‍ കൃത്യമായി പാലിക്കുന്നതിലൂടെ ഈ മഹാമാരിയെ നമുക്ക് ഒരുമിച്ച് നേരിടാനാവുമെന്ന് ആശിക്കുന്നു.

Next Story

RELATED STORIES

Share it