പണ്ഡിത വിയോഗങ്ങള് ഉലമാക്കളുടെ ചുമതല വര്ധിപ്പിക്കുന്നു: മൗലാന മുഹമ്മദ് ഈസാ മന്ബഈ
ഈരാറ്റുപേട്ട: ലക്നൗ ദാറുല് ഉലൂം നദ്വതുല് ഉലമാ പ്രധാനാധ്യാപകനും അര്റാഇദ് അറബി മാഗസിന് എഡിറ്ററും പ്രശസ്ത പണ്ഡിതനുമായ മൗലാനാ വാദിഹ് റഷീദ് നദ്വിയുടെയും പത്തനംതിട്ട കശ്ശാഫുല് ഉലൂം അറബിക് കോളേജ് പ്രിന്സിപ്പലും പ്രമുഖ പണ്ഡിതനുമായ ഇടത്തല അബ്ദുല് കരീം മൗലാനയുടെയും വിയോഗത്തില് ഓള് ഇന്ത്യാ ഇമാംസ് കൗണ്സില് സംസ്ഥാന പ്രസിഡന്റ് മൗലാന മുഹമ്മദ് ഈസാ മന്ബഈ അഗാധമായ ദുഃഖം രേഖപ്പെടുത്തി. അറബി സാഹിത്യത്തിലൂടെ ഇസ്ലാമിക ചിന്തയെ ലോകത്തിനു മുമ്പില് ജ്വലിപ്പിച്ചു നിര്ത്താന് പ്രയത്നിച്ച പണ്ഡിത പ്രതിഭയെയാണ് മൗലാന വാദിഹ് റഷീദ് നദ്വിയിലൂടെ സമൂഹത്തിന് നഷ്ടമായത്.
ജീവിത സൂക്ഷ്മതയും ലാളിത്യവും മുസ്്ലിം ഏകതയും കാത്തുസൂക്ഷിച്ച മാതൃകായോഗ്യനായ ഒരു മഹാപണ്ഡിതനെയാണ് കരീം മൗലാനയിലൂടെ സമുദായത്തിന് നഷ്ടമായത്. അത്തിപ്പറ്റ ഉസ്താദിന്റെയും വടുതല മൂസാ ഉസ്താദിന്റെയും വിയോഗമുണ്ടാക്കിയ ദു:ഖത്തില് നിന്ന് ഉണരുന്നതിനു മുമ്പാണ് പുതിയ വിയോഗ വാര്ത്തകള് വരുന്നത്. മാതൃകായോഗ്യരായ ഉലമാക്കള് വിട പറഞ്ഞുപോകുമ്പോള് പുതിയ കാലത്തെ ഉലമാക്കള് കൂടുതല് മാതൃകായോഗ്യരായി, ത്യാഗസന്നദ്ധരായി സമൂഹമധ്യത്തിലേക്ക് ഉയര്ന്നു വരേണ്ടതുണ്ട്. അല്ലാഹുവിലേക്ക് യാത്രയായ പണ്ഡിതശ്രേഷ്ടര്ക്ക് അവന് പാപമോചനം നല്കുകയും പുണ്യാത്മാക്കള്ക്കൊപ്പം ഉയര്ന്ന സ്വര്ഗീയ ജീവിതം നല്കി അനുഗ്രഹിക്കുകയും ചെയ്യട്ടെയെന്നും മുഹമ്മദ് ഈസാ മന്ബഈ അനുശോചന സന്ദേശത്തില് പറഞ്ഞു.
RELATED STORIES
ലോക്സഭാ തിരഞ്ഞെടുപ്പ്; പരസ്യ പ്രചാരണത്തിന്റെ അവസാന...
23 April 2024 5:57 AM GMTകള്ളവോട്ടിന് ശ്രമിച്ചാല് കര്ശന നടപടി; മുഖ്യ തിരഞ്ഞെടുപ്പ് ഓഫീസര്...
23 April 2024 5:53 AM GMTകൊവിഡ് വാക്സിന് എന്ന് തെറ്റിദ്ധരിപ്പിച്ച് ഒറ്റയ്ക്ക് താമസിക്കുന്ന...
23 April 2024 5:51 AM GMTആഘോഷങ്ങളെ ആര്എസ്എസ് വല്ക്കരിക്കുന്നത് ആപല്ക്കരം: തുളസീധരന്...
22 April 2024 5:02 PM GMTവിവാഹത്തിനു പോയി മടങ്ങിയ മാതാവും മകളും ട്രെയിനിടിച്ച് മരിച്ചു
22 April 2024 3:13 PM GMTമുസ് ലിം വിരുദ്ധ പ്രസംഗം; പ്രധാനമന്ത്രിക്കെതിരേ തിരഞ്ഞെടുപ്പ്...
22 April 2024 3:08 PM GMT