Top

സംസ്ഥാന സര്‍ക്കാരിന്റെ മൂന്ന് വെബ്സൈ‌റ്റുകള്‍ ഹാക്ക് ചെയ്‌തു

തൊടുപുഴയില്‍ അമ്മയുടെ കാമുകന്റെ ക്രൂരമര്‍ദ്ദനമേറ്റ് ഏഴ് വയസുകാരന്‍ മരിച്ച സംഭവത്തില്‍ പ്രതികളെ രക്ഷപ്പെടുത്താന്‍ ശ്രമം നടക്കുന്നുവെന്ന് ആരോപിച്ചാണ് ഹാക്കിങ്.

സംസ്ഥാന സര്‍ക്കാരിന്റെ മൂന്ന് വെബ്സൈ‌റ്റുകള്‍ ഹാക്ക് ചെയ്‌തു

തിരുവനന്തപുരം: സംസ്ഥാന സര്‍ക്കാര്‍ നിയന്ത്രണത്തിലുള്ള മൂന്ന് സ്ഥാപനങ്ങളുടെ ഔദ്യോഗിക വെബ്‌സൈറ്റുകള്‍ ഹാക്ക് ചെയ്‌തു. കേരള സൈബര്‍ വാരിയേഴ്‌സ് എന്ന കൂട്ടായ്‌മയാണ് ഇതിന് പിന്നില്‍. സംസ്ഥാന മനുഷ്യാവകാശ കമ്മീഷൻ, ബാലാവകാശ കമ്മീഷന്‍, സംസ്ഥാന നിയമ വകുപ്പ് എന്നിവയുടെ വെബ്സൈ‌റ്റുകളാണ് ഹാക്ക് ചെയ്‌തത്.

തൊടുപുഴയില്‍ അമ്മയുടെ കാമുകന്റെ ക്രൂരമര്‍ദ്ദനമേറ്റ് ഏഴ് വയസുകാരന്‍ മരിച്ച സംഭവത്തില്‍ പ്രതികളെ രക്ഷപ്പെടുത്താന്‍ ശ്രമം നടക്കുന്നുവെന്ന് ആരോപിച്ചാണ് ഹാക്കിങ്. സംഭവത്തില്‍ കുട്ടിയുടെ അമ്മയ്‌ക്കെതിരെ ഇതുവരെ കേസെടുത്തിട്ടില്ലെന്നും ഇതിന് പിന്നില്‍ വന്‍ രാഷ്ട്രീയ ഇടപെടലുണ്ടെന്ന് സംശയിക്കുന്നതായും സൈബര്‍ വാരിയേഴ്സ് ആരോപിക്കുന്നു. കുട്ടിക്ക് നീതി വേണമെന്നും അമ്മയെ അറസ്റ്റ് ചെയ്യണമെന്നുമാണ് കേരള സൈബർ വാരിയേഴ്സിന്റ ആവശ്യം.

വെബ്സൈ‌റ്റ് ഹാക്ക് ചെയ്‌തത് ശ്രദ്ധയില്‍ പെട്ടിട്ടുണ്ടെന്നും ഉടന്‍ തന്നെ തകരാര്‍ പരിഹരിക്കുമെന്നും മനുഷ്യാവകാശ കമ്മിഷന്‍ അധികൃതർ അറിയിച്ചു.

Next Story

RELATED STORIES

Share it