ജൂണ് മാസത്തെ റേഷന് വിഹിതം ഇങ്ങനെ
അന്ത്യോദയ അന്ന യോജന (എ.എ.വൈ- മഞ്ഞ കാര്ഡ്) വിഭാഗത്തിന് 30 കിലോ അരിയും അഞ്ച് കിലോ ഗോതമ്പും സൗജന്യമായും ഒരു കിലോ പഞ്ചസാര 21 രൂപയ്ക്കും ലഭിക്കും.
തിരുവനന്തപുരം: ജൂണ് മാസത്തില് വിവിധ വിഭാഗങ്ങള്ക്കുള്ള റേഷന് വിഹിതത്തിന്റെ അളവ് ഭക്ഷ്യ-സിവില് സപ്ലൈസ് വകുപ്പ് പ്രസിദ്ധീകരിച്ചു. അന്ത്യോദയ അന്ന യോജന (എ.എ.വൈ- മഞ്ഞ കാര്ഡ്) വിഭാഗത്തിന് 30 കിലോ അരിയും അഞ്ച് കിലോ ഗോതമ്പും സൗജന്യമായും ഒരു കിലോ പഞ്ചസാര 21 രൂപയ്ക്കും ലഭിക്കും. മുന്ഗണനാ വിഭാഗക്കാര്ക്ക് (പിങ്ക് കാര്ഡ്) കാര്ഡിലെ ഓരോ അംഗത്തിനും നാല് കിലോ അരിയും ഒരു കിലോ ഗോതമ്പും കിലോയ്ക്ക് രണ്ട് രൂപ നിരക്കില് ലഭിക്കും. ഇരു വിഭാഗങ്ങള്ക്കും പി.എം.ജി.കെ.എ.വൈ പദ്ധതി പ്രകാരം കാര്ഡിന് ഒരു കിലോ പയര് അല്ലെങ്കില് കടല സൗജന്യമായി ലഭിക്കും. ഏപ്രില്, മെയ് മാസങ്ങളില് ലഭിക്കാത്തവര്ക്ക് അതുകൂടീ ചേര്ത്ത് ചേര്ത്ത് മൂന്ന് കിലോ ലഭിക്കും. 21 മുതല് പി.എം.ജി.കെ.എ.വൈ പദ്ധതി പ്രകാരം കാര്ഡിലെ ഓരോ അംഗത്തിനും 5 കിലോ അരി വീതം സൗജന്യനമായും ലഭിക്കും.
പൊതുവിഭാഗം സബ്സിഡി ( നീല കാര്ഡ്) വിഭാഗത്തില്പ്പെട്ട കാര്ഡിലെ ഓരോ അംഗത്തിനും രണ്ട് കിലോ അരി വീതം കിലോയ്ക്ക് നാല്് രൂപ നിരക്കില് ലഭിക്കും. പൊതു വിഭാഗത്തില് (വെള്ള കാര്ഡ്) പെട്ടവര്ക്ക് കാര്ഡിന് രണ്ട് കിലോ അരി കിലോയ്ക്ക് 10.90 രൂപ നിരക്കില് ലഭിക്കും. ഇരു വിഭാഗത്തിനും കിലോയ്ക്ക് 17 രൂപ നിരക്കില് ലഭ്യതയ്ക്കനുസരിച്ച് ഒരു കിലോ മുതല് മൂന്ന് കിലോ വരെ ആട്ട ലഭിക്കും. അധിക വിഹിതമായി 10 കിലോ അരി കിലോയ്ക്ക് 15 രൂപ നിരക്കില് എട്ട് മുതലും വിതരണം ചെയ്യും. എല്ലാവിഭാഗത്തിലെയും വൈദ്യുതീകരിക്കപ്പെടാത്ത വീടുകളിലെ കാര്ഡിന് നാല് ലിറ്റര് മണ്ണെണ്ണയും വൈദ്യുതീകരിക്കപ്പെട്ട വീടുകളിലെ കാര്ഡിന് അരലിറ്റര് മണ്ണെണ്ണയും ലിറ്ററിന് 20 രൂപ നിരക്കില് വിതരണം ചെയ്യുമെന്നും സിവില് സപ്ലൈസ് ഡയറക്ടര് അറിയിച്ചു.
RELATED STORIES
കട്ടപ്പനയിൽ കാട്ടുപന്നി കിണറ്റിൽ വീണു; വനം വകുപ്പ് ഉദ്യോഗസ്ഥരെത്തി...
20 April 2024 10:41 AM GMTത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMT