Kerala

ഉമ്മന്‍ചാണ്ടിക്കെതിരേ സരിത സുപ്രിംകോടതിയിലേക്ക്

ക്രൈംബ്രാഞ്ച് അന്വേഷണം വേഗത്തില്‍ പൂര്‍ത്തിയാക്കണമെന്നാണ് ഹരജിയിലെ ആവശ്യം.

ഉമ്മന്‍ചാണ്ടിക്കെതിരേ സരിത സുപ്രിംകോടതിയിലേക്ക്
X

തിരുവനന്തപുരം: മുന്‍മുഖ്യമന്ത്രി ഉമ്മന്‍ ചാണ്ടിക്കെതിരായ ലൈംഗീക പീഡന പരാതിയിലെ അന്വേഷണം സമയബന്ധിതമായി പൂര്‍ത്തിയാക്കാന്‍ നിര്‍ദേശിക്കണമെന്ന് ആവശ്യപ്പെട്ട് സരിത എസ് നായര്‍ സുപ്രിം കോടതിയെ സമീപിച്ചു. ക്രൈംബ്രാഞ്ച് അന്വേഷണം വേഗത്തില്‍ പൂര്‍ത്തിയാക്കണമെന്നാണ് ഹരജിയിലെ ആവശ്യം.

2018 ഒക്ടോബറില്‍ രജിസ്റ്റര്‍ ചെയ്ത കേസില്‍ ഇതു വരെയും അറസ്റ്റ് ഉള്‍പ്പടെയുള്ള നടപടികളിലേക്ക് ക്രൈംബ്രാഞ്ച് കടക്കുന്നില്ലെന്നാണ് സരിതയുടെ ഹരജിയില്‍ പറയുന്നത്. സരിതയുടെ ആവശ്യം നേരത്തെ കേരള ഹൈക്കോടതിയുടെ സിംഗിള്‍ ബെഞ്ചും ഡിവിഷന്‍ ബെഞ്ചും തള്ളിയിരുന്നു. സംഭവം നടന്ന് ഏഴു വര്‍ഷത്തിന് ശേഷം നല്‍കിയ പരാതിയില്‍ അടിയന്തര നടപടി എന്ന ആവശ്യം അനവസരത്തിലാണെന്ന് ചൂണ്ടിക്കാട്ടിയായിരുന്നു ഹൈക്കോടതിയുടെ നടപടി. ഇതേതുടര്‍ന്നാണ് സരിത സുപ്രിം കോടതിയെ സമീപിച്ചിരിക്കുന്നത്.

Next Story

RELATED STORIES

Share it