ഉഡുപ്പി ജില്ലയില്‍ എസ്ഡിപിഐയ്ക്ക് നാലിടത്ത് വിജയം

കര്‍ണാടക: ഉഡുപ്പി ജില്ലയിലെ ബൈന്തൂര്‍ നിയമസഭാ മണ്ഡലത്തില്‍പെട്ട ഗംഗോലി പഞ്ചായത്തിലേക്കു നടന്ന തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പില്‍ എസ്ഡിപിഐയ്ക്ക് മികച്ച വിജയം. 8 സീറ്റുകളിലേക്ക് മല്‍സരിച്ച എസ്ഡിപിഐ നാലു സീറ്റുകളില്‍ വിജയം നേടി. ഇതില്‍ രണ്ടു വനിതാ സ്ഥാനാര്‍ഥികളും ഉള്‍പ്പെടും. രണ്ടാം വാര്‍ഡില്‍ എസ്ഡിപിഐക്ക് മൂന്ന് സീറ്റ് ലഭിച്ചപ്പോള്‍ ബിജെപിയുടെ നാലു സ്ഥാനാര്‍ഥികള്‍ പരാജയപ്പെട്ടു. കോണ്‍ഗ്രസിന് ഒരു സീറ്റ് ലഭിച്ചു. അഞ്ചാം വാര്‍ഡില്‍ കോണ്‍ഗ്രസ്-2, ബിജെപി-2, എസ്ഡിപിഐ-1 എന്നിങ്ങനെയാണ് സീറ്റ് നില. രണ്ടാം വാര്‍ഡില്‍ തബ്രേസ്, ഖലീല്‍, നസീമ ബാനു എന്നിവരും ആറാം വാര്‍ഡില്‍ ശെയ്ഖ് പര്‍നീനുമാണ് വിജയിച്ച എസ്ഡിപിഐ സ്ഥാനാര്‍ഥികള്‍.