മൂന്നിയൂരില്‍ ഒന്നാം ക്ലാസ് വിദ്യാര്‍ത്ഥിനിയെ പീഡിപ്പിച്ച ആര്‍ എസ് എസ് പ്രവര്‍ത്തകന്‍ കോടതിയില്‍ കീഴടങ്ങി

തിരൂരങ്ങാടി : വാടക കോര്‍ട്ടേഴ്‌സില്‍ വെച്ച് ഒന്നാം ക്ലാസ് വിദ്യാര്‍ത്ഥിനിയെ പീഡിപ്പിച്ച കേസില്‍ ആര്‍.എസ്.എസ് പ്രവര്‍ത്തകന്‍ കോടതിയില്‍ കീഴടങ്ങി.മൂന്നിയൂര്‍ ആലിന്‍ചുവട്ടില്‍ പാറക്കാവ് ഓട്ടോ ഡ്രൈവര്‍ കൂടിയായ ജയനാണ് മഞ്ചേരി കോടതിയില്‍ കീഴടങ്ങിയത്. കഴിഞ്ഞ പതിനൊന്നാം തിയ്യതിയാണ് കേസിനാസ്പദമായ സംഭവം നടന്നത്. ബന്ധുക്കള്‍ അടക്കം പരാതിപെട്ടിട്ടും തിരൂരങ്ങാടി പോലീസ് കേസ് എടുത്തില്ലന്ന് പറയപെടുന്നു. പിന്നീട് പെണ്‍കുട്ടി പഠിക്കുന്ന അധ്യാപകരുടെയും ചൈല്‍ഡ് ലൈനിന്റെയും , ശക്തമായ ഇടപെടലിനെ തുടര്‍ന്നാണ് കേസ് രജിസ്ട്രര്‍ ചെയ്യുന്നത്. ഇക്കഴിഞ്ഞ 16ാം തിയതിയാണ് കേസ് രജിസ്ട്രര്‍ ചെയ്തത് .പിന്നീട് പരപ്പനങ്ങാടി കോടതിക്ക് മുന്‍പാകെ കുട്ടിയുടെ മൊഴിയെടുത്തിട്ടും മാധ്യമങ്ങളെയടക്കം അറിയിക്കാന്‍ പോലിസ് തയ്യാറാകാത്തത് വിവാദമായിരുന്നു.