മാധ്യമ പ്രവര്‍ത്തകയ്‌ക്കെതിരേ ആക്രമണം: ഒരു ആര്‍എസ്എസ് പ്രവര്‍ത്തകന്‍ കൂടി അറസ്റ്റില്‍

തിരുവനന്തപുരം: ശബരിമലയില്‍ യുവതി പ്രവേശനത്തെ തുടര്‍ന്ന് ശബരിമല കര്‍മ്മ സമിതിയുടെ നേതൃത്വത്തില്‍ നടന്ന ഹര്‍ത്താലില്‍ മാധ്യമ പ്രവര്‍ത്തകയെ ആക്രമിച്ച ഒരു സംഘപരിവാര്‍ പ്രവര്‍ത്തകന്‍ കൂടി അറസ്റ്റിലായി. ഇയാളുടെ പേരും മാറ്റ് വിശദാംശങ്ങളും പോലിസ് പുറത്തുവിട്ടിട്ടില്ല. സെക്രട്ടേറിയറ്റിനു മുന്നിലാണ് കൈരളി ചാനലിലെ കാമറ വുമണ്‍ ഷാജിലയെ ആക്രമിച്ചത്. ഒട്ടനവധി മാധ്യമ പ്രവര്‍ത്തകര്‍ക്കും സംഘപരിവാര്‍ ആക്രമണത്തില്‍ പരിക്കേറ്റിരുന്നു.