മുഖ്യമന്ത്രിക്കെതിരെ രൂക്ഷവിമർശനവുമായി ചെന്നിത്തല; പോ​ലി​സി​നെ നി​യ​ന്ത്രി​ക്കു​ന്ന​ത് കൊ​ള്ള​സം​ഘം

തി​രു​വ​ന​ന്ത​പു​രം: സിഎജി റിപ്പോർട്ടുമായി ബന്ധപ്പെട്ട വിവാദങ്ങൾക്കിടെ മു​ഖ്യ​മ​ന്ത്രിയേയും പോലിസിനേയും ​അതിരൂ​ക്ഷമായി വി​മ​ർ​ശിച്ച് പ്ര​തി​പ​ക്ഷ നേ​താ​വ് ര​മേ​ശ് ചെ​ന്നി​ത്ത​ല. പോ​ലിസി​നെ നി​യ​ന്ത്രി​ക്കു​ന്ന​ത് കൊ​ള്ള​സം​ഘ​മാ​ണെ​ന്ന് ചെ​ന്നി​ത്ത​ല വാ​ർ​ത്താസ​മ്മേ​ള​ന​ത്തി​ൽ ആ​രോ​പി​ച്ചു. പോ​ലി​സ് ആ​സ്ഥാ​ന​ത്തെ അ​ഴി​മ​തി​യു​മാ​യി ബ​ന്ധ​പ്പെ​ട്ട് പി ടി തോ​മ​സ് നി​യ​മ​സ​ഭ​യി​ൽ ആ​രോ​പ​ണം ഉ​ന്ന​യി​ച്ച​തി​ൽ തെ​റ്റി​ല്ല. അ​തേ​കാ​ര്യ​ങ്ങ​ൾ സി​എ​ജി റി​പ്പോ​ർ​ട്ടി​ൽ വ​ന്ന​ത് യാ​ദൃ​ശ്ചി​കം മാ​ത്രം. ഞ​ങ്ങ​ളു​ടെ അ​ന്വേ​ഷ​ണ​ത്തി​ൽ ക​ണ്ടെ​ത്തി​യ കാ​ര്യ​ങ്ങ​ളാ​ണി​തെ​ല്ലാ​മെ​ന്നും ചെ​ന്നി​ത്ത​ല പ​റ​ഞ്ഞു. വെ​ടി​യു​ണ്ട ന​ഷ്ട​പ്പെ​ട്ട​ത് യു​ഡി​എ​ഫ് കാ​ല​ത്താ​ണെ​ന്ന​ത് വ്യാ​ജ​പ്ര​ചാ​ര​ണ​മാ​ണ്. 2017ന് ​ശേ​ഷം ആ​യി​ര​ത്തോ​ളം വെ​ടി​യു​ണ്ട ന​ഷ്ട​മാ​യി​ട്ടു​ണ്ടെ​ന്നും ചെ​ന്നി​ത്ത​ല ആ​രോ​പി​ച്ചു.

പോ​ലി​സ് ആ​സ്ഥാ​നം സ്വ​കാ​ര്യ ക​മ്പനി​ക​ളു​ടെ വി​ഹാ​ര​കേ​ന്ദ്ര​മാ​യി മാ​റി​. പോ​ലി​സ് അ​ഴി​മ​തി​ക്ക് സ​ർ​ക്കാ​ർ കൂ​ട്ട് നി​ൽ​ക്കു​ന്നു. ഇ​ത് കൂ​ട്ടു​ക​ച്ച​വ​ട​മാ​ണെന്നും ചെ​ന്നി​ത്ത​ല പറഞ്ഞു. വെ​ടി​യു​ണ്ട​ക​ൾ ന​ഷ്ട​മാ​യ​തി​നെ​ക്കു​റി​ച്ച് സ​മ​ഗ്ര അ​ന്വേ​ഷ​ണം ന​ട​ത്ത​ണം. മു​ഖ്യ​മ​ന്ത്രി അ​റി​യാ​തെ അ​ഴി​മ​തി ന​ട​ക്കി​ല്ല. മു​ഖ്യ​മ​ന്ത്രി​ക്കും അ​ഴി​മ​തി​യി​ൽ പ​ങ്കു​ണ്ടെ​ന്ന് സം​ശ​യി​ക്കേ​ണ്ടി​യി​രി​ക്കു​ന്നു. ഇ​ക്കാ​ര്യ​ത്തി​ൽ ചീ​ഫ് സെ​ക്ര​ട്ട​റി​യു​ടെ പ​ങ്കും കൂ​ടു​ത​ൽ വ്യ​ക്ത​മാ​യി വ​രി​ക​യാ​ണ്. ഡി​ജി​പി​ക്ക് മാ​ത്ര​മാ​യി അ​ഴി​മ​തി ന​ട​ത്താ​നാ​കി​ല്ലെ​ന്നും ചെ​ന്നി​ത്ത​ല പ​റ​ഞ്ഞു. സിം​സ് പ​ദ്ധ​തി​യി​ൽ വ​ൻ അ​ഴി​മ​തി​യാ​ണ് ന​ട​ന്നി​രി​ക്കു​ന്ന​ത്. ക​രാ​ർ ഏ​റ്റെ​ടു​ത്തി​രി​ക്കു​ന്ന ഗാ​ല​ക്സോ​ണ്‍ ക​മ്പനി​ക്ക് എ​ന്ത​ടി​സ്ഥാ​ന​ത്തി​ലാ​ണ് ക​രാ​ർ ന​ൽ​കി​യ​ത്. ഗാ​ല​ക്സോ​ണ്‍ ക​മ്പ​നി ആ​രു​ടെ ബി​നാ​മി​യാ​ണെ​ന്നും ചെ​ന്നി​ത്ത​ല ചോ​ദി​ച്ചു. പോ​ലിസി​ലെ ക്ര​മ​ക്കേ​ടു​ക​ൾ സി​ബി​ഐ അ​ന്വേ​ഷി​ക്ക​ണ​മെ​ന്നും അ​ദ്ദേ​ഹം ആ​വ​ശ്യ​പ്പെ​ട്ടു.

മു​ഖ്യ​മ​ന്ത്രി എ​ന്തി​നാ​ണ് നി​യ​മ​ലം​ഘ​നം ന​ട​ത്താ​ൻ ഡി​ജി​പി​യെ അ​നു​വ​ദി​ക്കു​ന്ന​ത്. പോ​ലീ​സ് വ​കു​പ്പി​ന്‍റെ വാ​ഹ​നം എ​ന്തി​നാ​ണ് ചീ​ഫ് സെ​ക്ര​ട്ട​റി​ക്ക് ന​ൽ​കു​ന്ന​ത്. നി​യ​മ​വി​രു​ദ്ധ​മാ​യാ​ണ് ചീ​ഫ് സെ​ക്ര​ട്ട​റി പോ​ലീ​സ് വാ​ഹ​ന​ത്തി​ൽ സ​ഞ്ച​രി​ക്കു​ന്ന​ത്. ച​ട്ട​ങ്ങ​ൾ പാ​ലി​ക്കാ​തെ​യാ​ണ് കേ​ന്ദ്ര​ഫ​ണ്ട​ട​ക്കം സ​ർ​ക്കാ​ർ വി​നി​യോ​ഗി​ക്കു​ന്ന​തെ​ന്നും ചെ​ന്നി​ത്ത​ല ആ​രോ​പി​ച്ചു. ശ​ബ​രി​മ​ല​ സു​ര​ക്ഷ​യു​ടെ പേ​രി​ൽ കെ​ൽ​ട്രോ​ണി​നെ മ​റ​യാ​ക്കി ഉ​പ​ക​ര​ണ​ങ്ങ​ൾ വാ​ങ്ങി​യ​തി​ൽ പ​ക​ൽ​ക്കൊ​ള്ള​യാ​ണ് ന​ട​ന്ന​ത്. യോ​ഗ്യ​ത​യി​ല്ലാ​ത്ത ക​മ്പ​നി​ക​ൾ​ക്ക് കെ​ൽ​ട്രോ​ണ്‍ ഓ​ർ​ഡ​ർ കൊ​ടു​ത്തു. കേ​സി​ൽ പ്ര​തി​യാ​യ ഗ​ണ്‍​മാ​നെ മ​ന്ത്രി ക​ട​കം​പ​ള്ളി സു​രേ​ന്ദ്ര​ൻ മാ​റ്റാ​ത്ത​ത് എ​ന്തു​കൊ​ണ്ടാ​ണെ​ന്നും ചെ​ന്നി​ത്ത​ല ചോ​ദി​ച്ചു.