പാത ഇരട്ടിപ്പിക്കല്‍: ആലപ്പുഴ വഴിയുള്ള ട്രെയിനുകള്‍ റദ്ദാക്കി; നേത്രാവതിയും ജനശതാബ്ദിയും കോട്ടയം വഴി തിരിച്ചുവിടും

തിരുവനന്തപുരം: ഹരിപ്പാടിനും അമ്പലപ്പുഴയ്ക്കുമിടയില്‍ പാത ഇരട്ടിപ്പിക്കല്‍ ജോലികള്‍ നടക്കുന്നതിനാല്‍ ആലപ്പുഴ വഴിയുള്ള നാല് മെമു ട്രെയിനുകള്‍ 11 മുതല്‍ 14 വരെ പൂര്‍ണമായും റദ്ദാക്കി. കൊല്ലം- എറണാകുളം മെമു (66302), എറണാകുളം- കൊല്ലം മെമു(66303), എറണാകുളം- കായംകുളം മെമു (66315), കായംകുളം- എറണാകുളം മെമു(66316) എന്നീ ട്രെയിനുകളാണ് റദ്ദാക്കിയത്. നേത്രാവതിയും ജനശതാബ്ദിയും ഉള്‍പ്പടെയുള്ള ട്രെയിനുകള്‍ കോട്ടയംവഴി തിരിച്ചുവിടും.

ആലപ്പുഴ വഴിയുള്ള കായംകുളം- എറണാകുളം പാസഞ്ചര്‍ (56380), എറണാകുളം- കായംകുളം പാസഞ്ചര്‍ (56383), എറണാകുളം- കൊല്ലം മെമു (66309), കോട്ടയം വഴിയുള്ള കൊല്ലം- എറണാകുളം മെമു (66308), എറണാകുളം- കായംകുളം പാസഞ്ചര്‍ (56387), കായംകുളം- എറണാകുളം പാസഞ്ചര്‍ (56388), ആലപ്പുഴ- കൊല്ലം മെമു (66311), കോട്ടയം- കൊല്ലം മെമു (66317), കൊല്ലം- കോട്ടയം മെമു (66318) എന്നീ ട്രെയിനുകള്‍ 14നും റദ്ദാക്കി.

12ന് പുറപ്പെടുന്ന പോര്‍ബന്തര്‍- കൊച്ചുവേളി എക്‌സ്പ്രസ് (19262), 14ന് പുറപ്പെടുന്ന ഖോരക്പൂര്‍- തിരുവനന്തപുരം എക്‌സ്പ്രസ് (12511), കൊച്ചുവേളി- ഛണ്ഡീഗഢ് എക്‌സ്പ്രസ് (12217), തിരുവനന്തപുരം- ലോകമാന്യതിലക് നേത്രാവതി എക്‌സ്പ്രസ്(16346), കോഴിക്കോട്- തിരുവനന്തപുരം ജനശതാബ്ദി(12075), കൊച്ചുവേളി- മൈസൂരൂ എക്‌സ്പ്രസ്(16316), തിരുവനന്തപുരം- ഷാലിമാര്‍ എക്‌സ്പ്രസ്(22641) എന്നീ ട്രെയിനുകള്‍ കോട്ടയം വഴി തിരിച്ചുവിടും. 14ന് പുറപ്പെടുന്ന മംഗലാപുരം- നാഗര്‍കോവില്‍ ഏറനാട് എക്‌സ്പ്രസ്(16605) എറണാകുളത്ത് യാത്ര അവസാനിപ്പിക്കും.

നാഗര്‍കോവില്‍- കോട്ടയം പാസഞ്ചര്‍(56304) കായംകുളത്തും ഗുരുവായൂര്‍- പുനലൂര്‍ പാസഞ്ചര്‍ (56365) എറണാകുളത്തും യാത്ര അവസാനിപ്പിക്കും. ഗുരുവായൂര്‍- പുനലൂര്‍ പാസഞ്ചര്‍(56366) എറണാകുളത്തുനിന്നായിരിക്കും 14ന് യാത്രപുറപ്പെടുക. 15ന് പുറപ്പെടേണ്ട നാഗര്‍കോവില്‍- മംഗലാപുരം ഏറനാട് എക്‌സ്പ്രസ്(16606) എറണാകുളത്തുനിന്നായിരിക്കും പുറപ്പെടുന്നത്.