കൊലക്കേസ് പ്രതി ജയില്‍ ചാടി

തൃശൂര്‍: വിയ്യൂര്‍ സെന്‍ട്രല്‍ ജയിലില്‍ തടവില്‍ കഴിഞ്ഞിരുന്ന കൊലക്കേസ് പ്രതി ജയില്‍ ചാടി. എറണാകുളം പുത്തന്‍കുരിശ് കാടാമറ്റം സ്വദേശി മോലക്കുടി വീട്ടില്‍ രഞ്ജന്‍(48) ആണ് ജയില്‍ ചാടിയത്. ഇന്ന് ഉച്ചതിരിഞ്ഞ് മൂന്ന് മണിയോടെയാണ് സംഭവം. ജയില്‍ വളപ്പില്‍ പുറംപണിക്ക് ഇറക്കിയ സമയം രക്ഷപ്പെടുകയായിരുന്നെന്ന് ജയില്‍ അധികൃതര്‍ അറിയിച്ചു. പ്രതിയെ കുറിച്ച് വിവരം ലഭിക്കുന്നവര്‍ അടുത്തുള്ള പോലിസ് സ്‌റ്റേഷനിലോ 100 നമ്പറിലോ ബന്ധപ്പെടണമെന്ന് പോലിസ് അറിയിച്ചു.