പിഎംഎംവിവൈ പദ്ധതി: വിതരണം ചെയ്തത് 75.90 കോടി രൂപ

തിരുവനന്തപുരം: കേന്ദ്രാവിഷ്‌കൃത പദ്ധതിയായ പ്രധാനമന്ത്രി മാതൃവന്ദന യോജന (പിഎംഎംവിവൈ) പദ്ധതിയില്‍ 2019 ജനുവരി 21 വരെ വിതരണം ചെയ്തത് 75.90 കോടി രൂപ. 2,27,110 ഗുണഭോക്താക്കള്‍ക്ക് ഇതിന്റെ പ്രയോജനം ലഭിച്ചു. 2018 ജനുവരി മുതലാണ് അപേക്ഷകള്‍ സ്വീകരിച്ചത്. സ്ത്രീകളുടെ ആദ്യ ഗര്‍ഭധാരണം, ആദ്യ പ്രസവം എന്നിവയാണ് ആനുകൂല്യത്തിന് പരിഗണിക്കുന്നത്. ആധാര്‍ അധിഷ്ഠിത ബാങ്ക് അക്കൗണ്ട് ഗുണഭോക്താവിനുണ്ടാവണം. ഈ അക്കൗണ്ടിലേക്കാണ് തുക നല്‍കുന്നത്.5000 രൂപയാണ് ആനുകൂല്യം. ഇതുസംബന്ധിച്ച മാര്‍ഗനിര്‍ദ്ദേശം wcd.nic.inല്‍ ലഭ്യമാണ്.