കൊവിഡ് പോസിറ്റീവ്: അന്തർ സംസ്ഥാന തൊഴിലാളികൾക്ക് ജോലി ചെയ്യാമെന്ന ഉത്തരവ് തിരുത്തും
രോഗലക്ഷണങ്ങളില്ലാത്ത കൊവിഡ് രോഗികളായ അന്തർ സംസ്ഥാന തൊഴിലാളികളെ കൊണ്ട് ജോലി ചെയ്യിക്കാമെന്നാണ് പൊതുഭരണ വകുപ്പ് ഉത്തരവ് പുറപ്പെടുവിച്ചത്.
തിരുവനന്തപുരം: കൊവിഡ് പോസിറ്റീവ് ആയാലും അന്തർ സംസ്ഥാന തൊഴിലാളികൾക്ക് ജോലി ചെയ്യാമെന്ന ഉത്തരവ് തിരുത്തും. വിവാദമായ ഉത്തരവ് തിരുത്താൻ ചീഫ് സെക്രട്ടറി നിർദ്ദേശം നൽകി.
കൊവിഡ് രോഗികളായ അന്തർ സംസ്ഥാന തൊഴിലാളികളെ കൊണ്ട് ജോലി ചെയ്യിക്കാമെന്ന സർക്കാർ ഉത്തരവ് വിവാദത്തിലായതിന് പിന്നാലെയാണ് പുതിയ നിർദേശം. രോഗലക്ഷണങ്ങളില്ലാത്ത കൊവിഡ് രോഗികളായ അന്തർ സംസ്ഥാന തൊഴിലാളികളെ കൊണ്ട് ജോലി ചെയ്യിക്കാമെന്നാണ് പൊതുഭരണ വകുപ്പ് ഉത്തരവ് പുറപ്പെടുവിച്ചത്. രോഗികളെ മറ്റുള്ളവരുമായി ഇടപെടാതെ പ്രത്യേകമായി ജോലി ചെയ്യിക്കണം. പ്രാഥമിക ചികിത്സ കേന്ദ്രത്തിനു സമാനമായ സ്ഥലത്ത് പ്രത്യേകമായി ഇവരെ താമസിപ്പിക്കണം തുടങ്ങിയ നിർദേശങ്ങളടങ്ങിയതാണ് ഉത്തരവ്.
കൊവിഡിനെ തുടർന്ന് തൊഴിലാളികൾ നാട്ടിലേക്ക് മടങ്ങിയതോടെ പല അടിസ്ഥാന സൗകര്യ വികസന പദ്ധതികളും വേഗത്തിലാക്കാൻ കഴിയുന്നില്ലെന്ന് വ്യവസായ വകുപ്പ് നേരത്തെ അറിയിച്ചിരുന്നു. ഈ സാഹചര്യത്തിലാണ് മടങ്ങിയെത്തിയ തൊഴിലാളികളിൽ രോഗം സ്ഥിരീകരിച്ചാലും ലക്ഷണങ്ങൾ ഇല്ലെങ്കിൽ ജോലി ചെയ്യിപ്പിക്കാമെന്ന് പൊതുഭരണ വകുപ്പ് ഉത്തരവിറക്കിയത്. എന്നാൽ ഇതിനെതിരെ ഡോക്ടർമാരുടെ സംഘടനയായ കെജിഎംഒഎ രംഗത്തെത്തി. രോഗബാധിതർക്ക് വിശ്രമം അത്യാവശ്യമാണെന്നും ആരോഗ്യ വകുപ്പുമായി ആലോചിക്കാതെയാണ് ഉത്തരവ് പുറപ്പെടുവിച്ചതെന്നും കെജിഎംഒഎ വ്യക്തമാക്കി.
RELATED STORIES
ക്രിക്കറ്റ് ഒരുപാട് മാറി; ഓള്റൗണ്ടര്മാര് വംശനാശത്തിലേക്ക്...
4 May 2024 7:52 AM GMTഹാര്ദിക്കിനെതിരെ നടപടി; 25 ലക്ഷം രൂപ പിഴ അടയ്ക്കണം
1 May 2024 3:00 PM GMTട്വന്റി-20 ലോകകപ്പ്; വിക്കറ്റ് കീപ്പര്മാരില് സഞ്ജുവിന് ആദ്യ പരിഗണന
29 April 2024 12:43 PM GMTഐപിഎല്; രാജസ്ഥാന് പ്ലേ ഓഫ് ടിക്കറ്റ്; ക്യാപ്റ്റന്റെ ഇന്നിങ്സുമായി...
27 April 2024 6:12 PM GMTഐപിഎല്; ചെന്നൈക്കെതിരെ ലഖ്നൗവിന് എട്ട് വിക്കറ്റ് ജയം
19 April 2024 6:21 PM GMTബട്ലര് യു ഡിഡ് ഇറ്റ്; നൈറ്റ് റൈഡേഴ്സ് വെല്ലുവിളിയും മറികടന്ന്...
16 April 2024 6:37 PM GMT