ഇന്ധനവില ഇന്നും കൂട്ടി; പെട്രോളിന് 35 പൈസയും ഡീസലിന് 37 പൈസയും വര്‍ധിച്ചു

കൊച്ചി: രാജ്യത്ത് ഇന്ധനവില ഇന്നും വര്‍ധിപ്പിച്ചു. പെട്രോളിന് 35 പൈസയും ഡീസലിന് 37 പൈസയുമാണ് കൂട്ടിയത്. ഇതോടെ കൊച്ചിയില്‍ പെട്രോളിന് 108.95 രൂപയും ഡീസലിന് 102.80 രൂപയുമായി. തിരുവനന്തപുരത്ത് പെട്രോളിന് 111.15 രൂപയും ഡീസലിന് 104.88 രൂപയുമാണ്.

കോഴിക്കോട്ട് പെട്രോളിനും ഡീസലിനും യഥാക്രമം 109.09 രൂപയും 102.94 രൂപയുമാണ്. ഒക്ടോബറില്‍ മാത്രം ഡീസലിന് കൂടിയത് ഒമ്പത് രൂപയിലേറെയാണ്. പെട്രോളിന് ഈ മാസം മാത്രം ഏഴുരൂപ കൂടിയിട്ടുണ്ട്. ഇന്നലെയും ഇന്ധനവില കൂട്ടിയിരുന്നു. പെട്രോള്‍ ലിറ്ററിന് 35 പൈസയും ഡീസല്‍ ലിറ്ററിന് 37 പൈസയുമാണ് കൂട്ടിയിരുന്നത്.