ഈസ മൗലവി മാതൃകാ വ്യക്തിത്വം: എന്‍ഡബ്ല്യുഎഫ്

കോഴിക്കോട്: പ്രമുഖ പണ്ഡിതനും ആള്‍ ഇന്ത്യാ ഇമാംസ് കൗണ്‍സില്‍ സംസ്ഥാന പ്രസിഡന്റുമായ മുഹമ്മദ് ഈസ മൗലവി ഫാദില്‍ മമ്പഇയുടെ വിയോഗം മുസ്‌ലിം ലോകത്തിനു തീരാനഷ്ടമാണെന്ന് നാഷണല്‍ വിമന്‍സ് ഫ്രണ്ട് (എന്‍ഡബ്ല്യുഎഫ്).

ആയുഷ്‌ക്കാലം മുഴുവന്‍ തന്റേടത്തോടെ സത്യത്തിനു വേണ്ടി നിലകൊള്ളാന്‍ ആര്‍ജവം കാണിച്ച അദ്ദേഹം സുഖ സൗകര്യങ്ങള്‍ക്കോ സ്ഥാനമാനങ്ങള്‍ക്കോ വേണ്ടി ആദര്‍ശത്തെ അടിയറ വയ്ക്കാന്‍ ഒരു കാലത്തും തയ്യാറായിട്ടില്ല. മുസ്‌ലിം ഉമ്മത്തിന് യഥാര്‍ഥ മാതൃകയായിരുന്നു അദ്ദേഹമെന്നും എന്‍ഡബ്ല്യുഎഫ് സംസ്ഥാന പ്രസിഡന്റ് എം ഹബീബ അനുശോചന സന്ദേശത്തില്‍ പറഞ്ഞു.