സെക്രട്ടേറിയറ്റില് പ്രവേശന നിയന്ത്രണത്തിന് പുതിയ സംവിധാനം
കൊവിഡ് വ്യാപനത്തെ തുടര്ന്ന് 01-01-2020 നുശേഷം കേരളത്തിലെത്തി വിദേശത്തെ ജോലിസ്ഥലത്തേക്ക് മടങ്ങാന് കഴിയാത്ത പ്രവാസികള്ക്കായി പ്രഖ്യാപിച്ച 5,000 രൂപയുടെ ധനസഹായം നല്കുന്നതിന് 25 കോടി രൂപ മുഖ്യമന്ത്രിയുടെ ദുരിതാശ്വാസ നിധിയില്നിന്നും നോര്ക്ക റൂട്ടിന് അനുവദിക്കാന് തീരുമാനിച്ചു.
തിരുവനന്തപുരം: സെക്രട്ടേറിയറ്റിലേക്കുള്ള ജീവനക്കാരുടെയും സന്ദര്ശകരുടെയും സഞ്ചാരം ക്രമീകരിക്കുന്നതിന് പ്രവേശന നിയന്ത്രണ ഉപാധി (ആക്സസ് കണ്ട്രോള് സിസ്റ്റം) കൊച്ചിന് മെട്രോ റെയില് ലിമിറ്റഡിന്റെ സാങ്കേതിക സഹായത്തോടെ കെല്ട്രോണ് മുഖേന നടപ്പാക്കാന് മന്ത്രിസഭായോഗം തീരുമാനിച്ചു. അംഗപരിമിതര്ക്കുകൂടി ഉപയോഗിക്കാന് കഴിയുന്ന രീതിയിലായിരിക്കും നിയന്ത്രണ സംവിധാനം. കെഎംആര്എല് സൗജന്യമായാണ് ഈ പദ്ധതിക്ക് സാങ്കേതികസഹായം നല്കുക.
കൊവിഡ് വ്യാപനത്തെ തുടര്ന്ന് 01-01-2020 നുശേഷം കേരളത്തിലെത്തി വിദേശത്തെ ജോലിസ്ഥലത്തേക്ക് മടങ്ങാന് കഴിയാത്ത പ്രവാസികള്ക്കായി പ്രഖ്യാപിച്ച 5,000 രൂപയുടെ ധനസഹായം നല്കുന്നതിന് 25 കോടി രൂപ മുഖ്യമന്ത്രിയുടെ ദുരിതാശ്വാസ നിധിയില്നിന്നും നോര്ക്ക റൂട്ടിന് അനുവദിക്കാന് തീരുമാനിച്ചു. നേരത്തെ അനുവദിച്ച 58.5 കോടി രൂപയ്ക്കു പുറമെയാണിത്. കാസര്കോട് ഹോസ്ദുര്ഗ് താലൂക്കില് സൗത്ത് തൃക്കരിപ്പൂര് വില്ലജില് 33.7 ആര് ഭൂമി ഏഴിമല ഇന്ത്യന് നാവിക അക്കാദമിക്ക് ബോട്ട് ഷെഡ് നിര്മാണത്തിന് സൗഹൃദസൂചകമായി പതിച്ചുനല്കും.
ഇടയാറില് സ്ഥാപിച്ച മീറ്റ് പ്രൊഡക്ട്സ് ഓഫ് ഇന്ത്യയുടെ ആധുനിക മാംസ സംസ്കരണ പ്ലാന്റിലേക്ക് 40 തസ്തികകള് സൃഷ്ടിക്കും. കോവളത്ത് കരകൗശല സാധനങ്ങളുടെ കച്ചവടം നടത്തുന്ന 22 കാശ്മീരി കുടുംബങ്ങള്ക്ക് കൊവിഡ് മൂലം ഉപജീവനമാര്ഗം നഷ്ടപ്പെട്ട സാഹചര്യത്തില് 10,000 രൂപ വീതം മുഖ്യമന്ത്രിയുടെ ദുരിതാശ്വാസ നിധിയില്നിന്ന് അനുവദിക്കാന് തീരുമാനിച്ചു. റേഷന് കാര്ഡില്ലാത്തവര്ക്ക് കാര്ഡ് നല്കാനും തീരുമാനിച്ചു.
ട്രാവന്കൂര് കൊച്ചിന് കെമിക്കല്സ് ലിമിറ്റഡിലെ ഓഫിസര്മാരുടെ ശമ്പളം 2017 ഏപ്രില് ഒന്നു മുതല് അഞ്ചുവര്ഷത്തേക്ക് പരിഷ്കരിക്കും. ഓണ്ലൈന് മാധ്യമങ്ങളുടെ പരസ്യനിരക്ക് പരിഷ്കരിക്കുന്നതിനെ കുറിച്ച് പഠിക്കാന് നിയോഗിക്കപ്പെട്ട സമിതിയുടെ ശുപാര്ശകള് അംഗീകരിക്കാനും മന്ത്രിസഭായോഗം തീരുമാനിച്ചു.
RELATED STORIES
കൊല്ക്കത്തയില് മോഹന് ബഗാന് വീണു; ഐഎസ്എല് കിരീടം മുംബൈ...
4 May 2024 4:46 PM GMTമലയാളികളടക്കം ജീവനക്കാരെ സ്വതന്ത്രരാക്കിയെന്ന് ഇറാൻ; വിട്ടയക്കാതെ...
4 May 2024 10:53 AM GMTവയനാട് നെയ്ക്കുപ്പയിൽ വീട്ടിലേക്കുള്ള വഴിയിൽ നിർത്തിയിട്ട കാറും...
4 May 2024 10:50 AM GMTഅരളിപ്പൂവിൽ വിഷാംശം ഉണ്ടെന്ന് റിപ്പോർട്ട് കിട്ടിയിട്ടില്ലെന്ന് ...
4 May 2024 10:46 AM GMTരോഹിത് വെമുല കേസ് ; പുനരന്വേഷണം നടത്തും
4 May 2024 10:44 AM GMTആറളം ഫാമിലെ വീടിന്റെ അടുക്കള ഭാഗം കാട്ടാന തകര്ത്തു
4 May 2024 10:37 AM GMT