ഗുജറാത്ത്‌ മറക്കില്ല: കാംപസ് ഫ്രണ്ട് ചർച്ച സംഘടിപ്പിച്ചു

തിരുവനന്തപുരം: 'ഗുജറാത്ത്‌ മറക്കില്ല: ആർഎസ്എസിന്റെ വംശഹത്യ പ്രത്യയ ശാസ്ത്രം ചർച്ച ചെയ്യുന്നു' എന്ന പ്രമേയത്തിൽ കാംപസ് ഫ്രണ്ട് സംസ്ഥാന സമിതിയുടെ നേതൃത്വത്തിൽ ചർച്ച സംഘടിപ്പിച്ചു. കാംപസ് ഫ്രണ്ട് ദേശീയ സമിതിയംഗം പി വി ഷുഹൈബ് ഉദ്ഘാടനം ചെയ്തു.

പ്രമുഖ സാമൂഹ്യ പ്രവർത്തകൻ കെ കെ ബാബുരാജ്, മാധ്യമ പ്രവർത്തക മൃദുല ഭവാനി, ഇമാംസ് കൗൺസിൽ സംസ്ഥാന വൈസ് പ്രസിഡന്റ് ഫത്തഹുദ്ദിൻ റഷാദി ചർച്ചയിൽ പങ്കെടുത്തു. കാംപസ് ഫ്രണ്ട് സംസ്ഥാന വൈസ് പ്രസിഡന്റ് കെ പി ഫാത്തിമ ഷെറിൻ അധ്യക്ഷത വഹിച്ചു. സംസ്ഥാന സെക്രട്ടറി എ എസ് മുസമ്മിൽ, സംസ്ഥാന സമിതിയംഗം സെബ ഷിറീൻ, മുഹമ്മദ്‌ ഷാൻ, പി എം മുഹമ്മദ്‌ റിഫ, കാംപസ് ഫ്രണ്ട് തിരുവനന്തപുരം ജില്ലാ പ്രസിഡന്റ് അംജദ് കണിയാപുരം നേതൃത്വം നൽകി.