ഇതര സംസ്ഥാന തൊഴിലാളികള്ക്ക് ആശ്വാസം; 1,140 പേര് കൂടി നാട്ടിലേക്ക് മടങ്ങി
സാമൂഹിക അകലം ഉള്പ്പെടെയുള്ള സുരക്ഷാ മാനദണ്ഡങ്ങള് പാലിച്ചായിരുന്നു തൊഴിലാളികളെ എത്തിച്ചത്. 50 സീറ്റുകളുള്ള ബസ്സില് 30 പേരുമായിട്ടായിരുന്നു യാത്ര.
![ഇതര സംസ്ഥാന തൊഴിലാളികള്ക്ക് ആശ്വാസം; 1,140 പേര് കൂടി നാട്ടിലേക്ക് മടങ്ങി ഇതര സംസ്ഥാന തൊഴിലാളികള്ക്ക് ആശ്വാസം; 1,140 പേര് കൂടി നാട്ടിലേക്ക് മടങ്ങി](https://www.thejasnews.com/h-upload/2020/05/11/107523-1.jpg)
കണ്ണൂര്: ലോക്ക് ഡൗണിനെ തുടര്ന്ന് ജില്ലയുടെ വിവിധ ഭാഗങ്ങളില് കുടുങ്ങിയ 1,140 ഇതര സംസ്ഥാന തൊഴിലാളികള്കൂടി സ്വദേശമായ ഉത്തര്പ്രദേശിലേക്ക് മടങ്ങി. കണ്ണൂര് റെയില്വേ സ്റ്റേഷനില് നിന്നും ഇന്നലെ വൈകീട്ട് 6ന് പുറപ്പെട്ട ട്രെയിനിലാണ് തൊഴിലാളികള് മടങ്ങിയത്. ജില്ലയിലെ വിവിധയിടങ്ങളില്നിന്നുള്ള തൊഴിലാളികളെ തദ്ദേശ സ്ഥാപനങ്ങളുടെ നേതൃത്വത്തില് 38 കെഎസ്ആര്ടിസി ബസ്സുകളിലാണ് റെയില്വേ സ്റ്റേഷനില് എത്തിച്ചത്. സാമൂഹിക അകലം ഉള്പ്പെടെയുള്ള സുരക്ഷാ മാനദണ്ഡങ്ങള് പാലിച്ചായിരുന്നു തൊഴിലാളികളെ എത്തിച്ചത്. 50 സീറ്റുകളുള്ള ബസ്സില് 30 പേരുമായിട്ടായിരുന്നു യാത്ര.
നാട്ടിലേക്ക് യാത്രതിരിച്ചവരില് സ്ത്രീകളും കുട്ടികളും ഉള്പ്പെടും. സാമൂഹിക അകലം പാലിച്ചുകൊണ്ടായിരുന്നു ട്രെയിനിലും ഇരിപ്പിടങ്ങള് നല്കിയത്. തൊഴിലാളികള്ക്ക് മെഡിക്കല് പരിശോധന നടത്തി രോഗലക്ഷണങ്ങള് ഒന്നുമില്ലെന്ന് ഉറപ്പുവരുത്തിയ ശേഷമാണ് ഇവര്ക്ക് നാട്ടിലേക്ക് തിരിക്കുന്നതിനുള്ള അനുമതി നല്കിയത്. തൊഴിലാളികള്ക്ക് യാത്രയ്ക്കിടെ കഴിക്കാനുള്ള ഭക്ഷണവും അധികൃതര് നല്കിയിരുന്നു. നാളെ ഉച്ചയോടെയാണ് ട്രെയിന് ലഖ്നോ റെയില്വേ സ്റ്റേഷനിലെത്തുക.
ജില്ലയുടെ വിവിധ ഭാഗങ്ങളില്നിന്നുള്ള 1,140 ഇതരസംസ്ഥാന തൊഴിലാളികള് വീതം കഴിഞ്ഞ ഞായറാഴ്ച ബിഹാറിലേക്കും വ്യാഴാഴ്ച ഉത്തര്പ്രദേശിലേക്കും മടങ്ങിയിരുന്നു. കഴിഞ്ഞ ബുധനാഴ്ച കോഴിക്കോടുനിന്നും മധ്യപ്രദേശിലേക്ക് പുറപ്പെട്ട ട്രെയിനില് ജില്ലയില്നിന്നുള്ള 450 തൊഴിലാളികളും നാട്ടിലേക്ക് തിരിക്കുകയുണ്ടായി. ഇതോടെ ജില്ലയില്നിന്ന് നാട്ടിലേക്ക് തിരിച്ച ആകെ തൊഴിലാളികളുടെ എണ്ണം 3,870 ആയി.
RELATED STORIES
കലാപാഹ്വാനക്കേസ് നിലനില്ക്കില്ലെന്ന് കോടതി; പോപുലര് ഫ്രണ്ട് മുന്...
26 July 2024 2:41 PM GMTരാമനഗര ജില്ല ഇനി ബെംഗളൂരു സൗത്ത്; കര്ണാടകയിലും പേരുമാറ്റം
26 July 2024 1:07 PM GMTരാഷ്ട്രപതി ഭവനിലും പേരുമാറ്റം; ദര്ബാര് ഹാള് ഇനി 'ഗണതന്ത്ര മണ്ഡപം'
25 July 2024 11:17 AM GMTഅര്ജുന്റെ ലോറിയിലെ തടി 8 കിലോമീറ്റര് അകലെ നിന്നു കണ്ടെത്തി; പിഎ 1...
25 July 2024 9:23 AM GMTസത്യസരണിയിലേക്കുള്ള സംഘപരിവാര് മാര്ച്ച് തടഞ്ഞെന്ന കേസ്: മുഴുവന്...
23 July 2024 11:07 AM GMTമൂന്നാംമോദി സര്ക്കാരിന്റെ ആദ്യ ബജറ്റ് ധനമന്ത്രി നിര്മലാ സീതാരാമന്...
23 July 2024 6:10 AM GMT