സംസ്ഥാനത്ത് ആദിവാസി കുടുംബങ്ങള്ക്കുള്ള ഭക്ഷ്യോത്പന്ന കിറ്റ് വിതരണം പൂര്ത്തിയാക്കിയ ആദ്യ ജില്ലയായി മലപ്പുറം
നിലമ്പൂര് ഐടിഡിപി ഓഫീസിന്റെ നേതൃത്വത്തില് ജില്ലയിലെ 5,237 കുടുംബങ്ങള്ക്കാണ് ഭക്ഷ്യോത്പന്ന കിറ്റുകള് വീട്ടിലെത്തിച്ചു നല്കിയതെന്ന് ഐടിഡിപി ജില്ലാ പ്രൊജക്ട് ഓഫീസര് അറിയിച്ചു.
മലപ്പുറം: സംസ്ഥാനത്ത് ലോക്ക്ഡൗണ് നിലനില്ക്കുന്ന സാഹചര്യത്തില് മുഴുവന് ആദിവാസി കുടുംബങ്ങളുടെയും ക്ഷേമം ഉറപ്പാക്കുന്നതിനായി ആരംഭിച്ച പ്രത്യേക ഭക്ഷ്യോത്പന്ന കിറ്റ് വിതരണം മലപ്പുറം ജില്ലയില് പൂര്ത്തിയായി. ഏപ്രില് രണ്ടിന് ആരംഭിച്ച കിറ്റ് വിതരണം നാല് ദിവസം കൊണ്ട് പൂര്ത്തിയാക്കാന് സാധിച്ചു. സംസ്ഥാനത്തു തന്നെ ആദിവാസികള്ക്കുള്ള കിറ്റ് വിതരണം പൂര്ത്തിയാക്കിയ ആദ്യ ജില്ലയായി മലപ്പുറം മാറി.
നിലമ്പൂര് ഐടിഡിപി ഓഫീസിന്റെ നേതൃത്വത്തില് ജില്ലയിലെ 5,237 കുടുംബങ്ങള്ക്കാണ് ഭക്ഷ്യോത്പന്ന കിറ്റുകള് വീട്ടിലെത്തിച്ചു നല്കിയതെന്ന് ഐടിഡിപി ജില്ലാ പ്രൊജക്ട് ഓഫീസര് അറിയിച്ചു. 15 കിലോ അരി, ഒരു കിലോ കടല, ഒരു കിലോ വന്പയര്, ഒരു ലിറ്റര് വെളിച്ചെണ്ണ തുടങ്ങിയ സാധനങ്ങളടങ്ങിയ 1,000 രൂപയുടെ കിറ്റാണ് എത്തിച്ചു നല്കിയത്. ത്രിവേണി കണ്സ്യൂമര് ഫെഡ് മുഖേനയാണ് കിറ്റ് തയ്യാറാക്കിയത്.
60 വയസ്സ് പൂര്ത്തിയായ പട്ടികവര്ഗ കുടുംബാംഗങ്ങള്ക്കുള്ള ഭക്ഷ്യോത്പന്ന കിറ്റ് വിതരണവും ജില്ലയില് പൂര്ത്തിയായി. 1,670 കിറ്റുകളാണ് ഈ വിഭാഗത്തില് വിതരണം ചെയ്തത്. വന്പയര്, കടല, ശര്ക്കര, വെളിച്ചെണ്ണ, രണ്ടു കിലോ ഗോതമ്പ് തുടങ്ങിയ സാധനങ്ങടങ്ങിയ 400 രൂപയുടെ കിറ്റാണ് മുതിര്ന്ന പൗരന്മാര്ക്ക് വിതരണം ചെയ്തത്. ഉള്നാടന് വനാന്തരങ്ങളിലും ജില്ലയിലെ വിവിധ ഭാഗങ്ങളില് ഒറ്റപ്പെട്ട് കഴിയുന്ന ആദിവാസി കുടംബങ്ങള്ക്കും കിറ്റുകള് വിതരണം ചെയ്തിട്ടുണ്ട്. കൂടാതെ റേഷന് കടകളിലൂടെ അനുവദിച്ച സൗജന്യ റേഷനും ആദിവാസി കുടുംബങ്ങള്ക്ക് നല്കുന്നുണ്ട്.
ഇതുവരെ 3,530 കുടംബങ്ങള് റേഷന് സാധനങ്ങള് കൈപ്പറ്റിയിട്ടുണ്ട്. റേഷന് ഭക്ഷ്യധാന്യങ്ങള്ക്ക് പുറമെ നാളെ മുതല് മുഴുവന് ആദിവാസി കുടുംബങ്ങള്ക്കും സിവില് സപ്ലൈസ് വകുപ്പ് വഴി വിതരണം ചെയ്യുന്ന 17 ഇന നിത്യോപയോഗ സാധനങ്ങളടങ്ങിയ 1000 രൂപയുടെ കിറ്റും സൗജന്യമായി വിതരണം ചെയ്യുമെന്നും പ്രൊജക്ട് ഓഫീസര് അറിയിച്ചു. പട്ടിക വര്ഗ പ്രമോട്ടര്മാരാണ് കിറ്റുകള് വീടുകളില് എത്തിക്കുന്നത്.
RELATED STORIES
1,42,799 പേര് വീട്ടില് വോട്ടിട്ടു: വോട്ട് രേഖപ്പെടുത്തിയവര് 81...
23 April 2024 9:40 AM GMT10 അനാക്കോണ്ട പാമ്പുകളുമായി ബംഗളൂരു കെംപഗൗഡ വിമാനത്താവളത്തില് യുവാവ്...
23 April 2024 7:18 AM GMTപരിശീലനപ്പറക്കലിനിടെ മലേഷ്യന് നാവികസേനയുടെ ഹെലികോപ്റ്ററുകള്...
23 April 2024 7:07 AM GMTമോദിയുടെ വിദ്വേഷപ്രസംഗം വൃന്ദാ കാരാട്ടിന്റെ അഭിഭാഷകന് ഇന്ന് സുപ്രീം...
23 April 2024 6:58 AM GMTരാജീവ് ചന്ദ്രശേഖറിന്റെ നാമനിര്ദേശ പത്രിക തള്ളണമെന്ന ഹരജി തള്ളി...
23 April 2024 6:47 AM GMTലോക്സഭാ തിരഞ്ഞെടുപ്പ്; പരസ്യ പ്രചാരണത്തിന്റെ അവസാന...
23 April 2024 5:57 AM GMT