യുദ്ധത്തിൽ ശത്രു പരാജയപ്പെട്ടു: മുജ്തബ ഖാംനഈ

തെഹ്റാൻ: യുദ്ധത്തിൽ ശത്രു പരാജയപ്പെട്ടെന്ന് ഇറാൻ്റെ പരമോന്നോത നേതാവ് മുജ്തബ ഖാംനഈ. " യുദ്ധത്തിൽ ശത്രു പരാജയപ്പെട്ടു. ജനങ്ങൾ സർക്കാരിനെതിരേ തിരിയുമെന്ന് അവർ കരുതി, പക്ഷെ അവർ ഐക്യത്തോടെ രാജ്യത്തിനൊപ്പം നിന്നു" അദ്ദേഹം പറഞ്ഞു.

വ്യത്യസ്ത പ്രത്യയശാസ്ത്രങ്ങളും വ്യത്യാസങ്ങളും ഉണ്ടായിരുന്നിട്ടും രാജ്യത്ത് ഐക്യം നിലനിൽക്കുന്നുണ്ടെന്ന് ഖാംനഈ പറഞ്ഞു. ഈ ഐക്യം ശത്രുവിനെ ലക്ഷ്യം നേടുന്നതിൽ നിന്ന് തടഞ്ഞുവെന്നും അവരുടെ പ്രവർത്തനങ്ങൾക്ക് തടസ്സം നിന്നുവെന്നും അദ്ദേഹം പറഞ്ഞു.