എസ്ഡിപിഐ ജനപ്രതിനിധി സംഗമം നാളെ എറണാകുളത്ത്

കൊച്ചി: ത്രിതല പഞ്ചായത്ത് തിരഞ്ഞെടുപ്പില്‍ എസ്ഡിപിഐ സ്ഥാനാര്‍ഥികളായി ജനവിധി തേടി വിജയിച്ച സംസ്ഥാനത്തെ ജനപ്രതിനിധികളുടെ സംഗമം നാളെ എറണാകുളത്ത് നടക്കും, എറണാകുളം ടൗണ്‍ഹാളില്‍ രാവിലെ 10.30 ന് ആരംഭിക്കുന്ന സംഗമം പാര്‍ട്ടി ദേശീയ പ്രസിഡന്റ് എം കെ ഫൈസി ഉദ്ഘാടനം ചെയ്യും. സംഗമത്തില്‍ 102 ജനപ്രതിനിധികള്‍ പങ്കെടുക്കും. പാര്‍ട്ടി സംസ്ഥാന വൈസ് പ്രസിഡന്റ് മൂവാറ്റുപുഴ അഷറഫ് മൗലവി അധ്യക്ഷത വഹിക്കും. മലപ്പുറം ജില്ലാ കമ്മിറ്റിയംഗം മുസ്തഫ മാസ്റ്റര്‍ ജനപ്രതിനിധികള്‍ക്കുള്ള ക്ലാസ് നയിക്കും.

വിമന്‍സ് ഇന്ത്യ മൂവ്മെന്റ് സംസ്ഥാന ജനറല്‍ സെക്രട്ടറി ഇര്‍ഷാന ടീച്ചര്‍, എസ്ഡിപിഐ സംസ്ഥാന വൈസ് പ്രസിഡന്റ് കെ കെ റൈഹാനത്ത്, സംസ്ഥാന ജനറല്‍ സെക്രട്ടറിമാരായ പി അബ്ദുല്‍ ഹമീദ്, റോയ് അറയ്ക്കല്‍, തുളസീധരന്‍ പള്ളിക്കല്‍, സംസ്ഥാന ട്രഷറര്‍ അജ്മല്‍ ഇസ്മായീല്‍, സംസ്ഥാന സെക്രട്ടറിമാരായ പി ആര്‍ സിയാദ്, കെ കെ അബ്ദുല്‍ ജബ്ബാര്‍, കെ എസ് ഷാന്‍, സംസ്ഥാന സെക്രട്ടറിയേറ്റംഗങ്ങളായ പി പി മൊയ്തീന്‍ കുഞ്ഞ്, പി കെ ഉസ്മാന്‍, ഇ എസ് കാജാ ഹുസൈന്‍, സംസ്ഥാന സമിതിയംഗങ്ങളായ പി ആര്‍ കൃഷ്ണന്‍ കുട്ടി, കൃഷ്ണന്‍ എരഞ്ഞിക്കല്‍, എറണാകുളം ജില്ലാ പ്രസിഡന്റ് ഷെമീര്‍ മാഞ്ഞാലി, ജനറല്‍ സെക്രട്ടറി വി എം ഫൈസല്‍, ജനപ്രതിനിധികള്‍ സംസാരിക്കും.