നിയമസഭാ സമ്മേളനം ജനുവരി എട്ട് മുതല്‍; ബജറ്റ് 15ന്

തിരുവനന്തപുരം: നിയമസഭാ സമ്മേളനം ഈ മാസം എട്ട് മുതല്‍ ആരംഭിക്കും. നിയമസഭ വിളിച്ചുചേര്‍ക്കാന്‍ ഗവര്‍ണറോട് പ്രത്യേക മന്ത്രിസഭായോഗം ശുപാര്‍ശ ചെയ്തു. ജനുവരി പതിനഞ്ചിനാണ് സംസ്ഥാന ബജറ്റ് അവതരിപ്പിക്കുന്നത്. ധനമന്ത്രി തോമസ് ഐസക് ബജറ്റ് അവതരണത്തിനുള്ള മുന്നൊരുക്കങ്ങള്‍ ആഴ്ചകള്‍ക്ക് മുമ്പുതന്നെ തുടങ്ങിക്കഴിഞ്ഞിരുന്നു.

കേരള പര്യടനത്തിന്റെ ഭാഗമായി വിവിധ ജില്ലകളില്‍ മുഖ്യമന്ത്രി നടത്തുന്ന കൂടിക്കാഴ്ചകളില്‍ ഉയര്‍ന്നുവരുന്ന നിര്‍ദേശങ്ങള്‍കൂടി കണക്കിലെടുത്താവും ബജറ്റ് അവതരണമെന്നാണ് വിവരം.