പ്രവാസി മലയാളികള്ക്ക് യാത്രാനിരക്കില് ഇളവുമായി കുവൈറ്റ് എയര്വെയ്സ്
ധാരണയുടെ അടിസ്ഥാനത്തില് കുവൈറ്റ് എയര്വേയ്സില് യാത്രചെയ്യുന്ന പ്രവാസി മലയാളികള്ക്ക് അടിസ്ഥാന യാത്രാനിരക്കില് 7% ഇളവ് ലഭിക്കും. നോര്ക്ക ഫെയര് എന്നറിയപ്പെടുന്ന ഈ ആനുകൂല്യത്തിന് നോര്ക്ക ഐഡി കാര്ഡുള്ള പ്രവാസിക്കും ജീവിതപങ്കാളിക്കും 18 വയസ്സില് താഴെയുള്ള കുട്ടികള്ക്കും പ്രസ്തുത ഇളവ് ലഭിക്കും.
തിരുവനന്തപുരം: അമിതവിമാനായാത്രാ നിരക്ക് മൂലം ബുദ്ധിമുട്ടനുഭവിക്കുന്ന പ്രവാസി മലയാളികള്ക്ക് ആശ്വാസമായി കുവൈറ്റ് എയര്വെയ്സില് നോര്ക്ക ഫെയര് നിലവില് വന്നു. നേര്ക്ക റൂട്ട്സും കുവൈറ്റ് എയര്വേയ്സുമായി ഇതുസംബന്ധിച്ച് ധാരണയായി. മുഖ്യമന്ത്രി പിണറായി വിജയന്റെ സാന്നിധ്യത്തില് ചീഫ് എക്സിക്യൂട്ടീവ് ഓഫിസര് കെ ഹരികൃഷ്ണന് നമ്പൂതിരിയും കുവൈറ്റ് എയര്വേയ്സ് സെയില്സ് മാനേജര് സുധീര് മേത്തയും തമ്മില് ധാരണാപത്രം ഒപ്പുവച്ചു.
ഗള്ഫ് മേഖലയിലുള്ള പ്രവാസി മലയാളികള്ക്ക് ഇത് വലിയൊരു ആശ്വാസമാവും. ധാരണയുടെ അടിസ്ഥാനത്തില് കുവൈറ്റ് എയര്വേയ്സില് യാത്രചെയ്യുന്ന പ്രവാസി മലയാളികള്ക്ക് അടിസ്ഥാന യാത്രാനിരക്കില് 7% ഇളവ് ലഭിക്കും. നോര്ക്ക ഫെയര് എന്നറിയപ്പെടുന്ന ഈ ആനുകൂല്യത്തിന് നോര്ക്ക ഐഡി കാര്ഡുള്ള പ്രവാസിക്കും ജീവിതപങ്കാളിക്കും 18 വയസ്സില് താഴെയുള്ള കുട്ടികള്ക്കും പ്രസ്തുത ഇളവ് ലഭിക്കും. നാടിന്റെ സമ്പദ്ഘടനയുടെ നട്ടെല്ലായ പ്രവാസികള്ക്ക് കാലാകാലങ്ങളായി ഉയര്ന്ന യാത്രാനിരക്ക് മൂലമുള്ള ബുദ്ധിമുട്ടിന് ഒരുപരിധി വരെ നോര്ക്ക ഫെയര് ആശ്വാസകരമാവും. നോര്ക്ക റൂട്ട്സ് ഐഡി കാര്ഡുടമകള്ക്ക് ഈ പ്രത്യേക ആനുകൂല്യം ഫെബ്രുവരി 20 മുതല് ലഭിക്കും.
നേരത്തെ നോര്ക്ക റൂട്ട്സും ഒമാന് എയര്വേയ്സുമായുണ്ടായിരുന്ന ധാരണയുടെ അടിസ്ഥാനത്തില് നോര്ക്ക ഫെയര് ഒമാന് എയര്വെയ്സില് നിലവിലുണ്ടായിരുന്നു. ധാരണാപത്രം പുതുക്കുന്നതിനുള്ള നടപടി അന്തിമഘട്ടത്തിലാണ്. മുഖ്യമന്ത്രിയുടെ ഓഫിസില് നടന്ന ചടങ്ങില് നോര്ക്ക വകുപ്പ് പ്രിന്സിപ്പല് സെക്രട്ടറി കെ ഇളങ്കോവന്, ജോയിന്റ് സെക്രട്ടറി കെ ജനാര്ദനന്, നോര്ക്ക റൂട്സ് ജനറല് മാനേജര് ഡി ജഗദീശ് തുടങ്ങിയവര് പങ്കെടുത്തു.
കുവൈറ്റ് എയര്വേയ്സിന്റെ വെബ്സെറ്റിലൂടെയും എയര്വേയ്സിന്റെ ഇന്ത്യയിലെ സെയില്സ് ഓഫിസുകള് മുഖേനയും പ്രവാസി മലയാളികള്ക്ക് ടിക്കറ്റ് ബുക്ക് ചെയ്യാവുന്നതാണ്. ഇതിനായി NORKA20 എന്ന Promo Code ഉപയോഗിക്കാവുന്നതാണെന്ന് ചീഫ് എക്സിക്യൂട്ടീവ് ഓഫിസര് അറിയിച്ചു. കുടുതല് വിവരങ്ങള് നോര്ക്ക റൂട്ട്സിന്റെ ടോള്ഫ്രീ നമ്പരായ 1800 425 3939 (ഇന്ത്യയില്നിന്ന്), 00918802012345 (വിദേശത്തുനിന്ന് മിസ്ഡ് കോള് സേവനം) ലഭിക്കും.
RELATED STORIES
ബ്ലാസ്റ്റേഴ്സില് ഇവാന് വുകോമനോവിച്ച് യുഗം അവസാനിച്ചു
26 April 2024 2:53 PM GMTപലയിടത്തും രാത്രിയിലും നീണ്ടനിര; പോളിങ് ശതമാനം 70.03 പിന്നിട്ടു
26 April 2024 2:48 PM GMTകല്പറ്റയില് പിക്കപ്പിലേക്ക് ലോറി ഇടിച്ചുകയറി യുവാവ് മരിച്ചു
26 April 2024 2:25 PM GMTനീറ്റ് പരീക്ഷ മാര്ഗ നിര്ദേശക ക്ലാസ് 29ന്
26 April 2024 12:45 PM GMTസംസ്ഥാനത്ത് പലയിടത്തും വോട്ടിങ് മന്ദഗതിയിലെന്ന് ആക്ഷേപം; പോളിങ്...
26 April 2024 12:36 PM GMTവോട്ട് ചെയ്യുക എന്നത് ഓരോ പൗരന്റെയും അവകാശവും കടമയുമാണെന്ന് നടന്...
26 April 2024 11:33 AM GMT