കോന്നി ഗവ.മെഡിക്കല് കോളജ് ആശുപത്രിയുടെ പ്രവര്ത്തനം ആഗസ്തിൽ തുടങ്ങും
മെഡിക്കല് കോളജ് പ്രിന്സിപ്പല് ഓഫീസും, സൂപ്രണ്ട് ഓഫീസും ഈ മാസം പ്രവര്ത്തനം ആരംഭിക്കും. മെഡിക്കല് കോളജിന് ആവശ്യമായ വൈദ്യുതി കണക്ഷന്, വാട്ടര് കണക്ഷന് തുടങ്ങിയവയ്ക്കുള്ള അപേക്ഷ വെള്ളിയാഴ്ച സമര്പ്പിക്കും.
പത്തനംതിട്ട: കോന്നി ഗവ.മെഡിക്കല് കോളജിന് വ്യവസ്ഥകളോടെ പരിസ്ഥിതി അനുമതി നല്കാന് പരിസ്ഥിതി വിലയിരുത്തല് സമിതി ശുപാര്ശ നല്കിയതിനെ തുടര്ന്ന് ആഗസ്ത് മാസത്തില് തന്നെ മെഡിക്കല് കോളജ് ആശുപത്രിയുടെ പ്രവര്ത്തനം ആരംഭിക്കും. പരിസ്ഥിതി സമിതി ശുപാര്ശ ഉണ്ടായ സാഹചര്യത്തില് കെ യു ജനീഷ് കുമാര് എംഎല്എയുടെ അധ്യക്ഷതയില് ജില്ലാ കലക്ടറും മെഡിക്കല് വിദ്യാഭ്യാസ വകുപ്പ് അധികൃതരും വിവിധ വകുപ്പുകളുടെ ജില്ലാ തല ഉദ്യോഗസ്ഥരും നിര്മാണ കമ്പനി അധികൃതരും ഉള്പ്പടെ പങ്കെടുത്ത് ഓണ്ലൈനായി ചേര്ന്ന അടിയന്തര യോഗത്തിലാണ് ഇതുസംബന്ധിച്ച് തീരുമാനമായത്.
മെഡിക്കല് കോളജ് പ്രിന്സിപ്പല് ഓഫീസും, സൂപ്രണ്ട് ഓഫീസും ഈ മാസം പ്രവര്ത്തനം ആരംഭിക്കും. മെഡിക്കല് കോളജിന് ആവശ്യമായ വൈദ്യുതി കണക്ഷന്, വാട്ടര് കണക്ഷന് തുടങ്ങിയവയ്ക്കുള്ള അപേക്ഷ വെള്ളിയാഴ്ച സമര്പ്പിക്കും. ജൂലൈ 30 ന് മുന്പായി മെഡിക്കല് കോളജിലേക്കുള്ള റോഡിന്റെ അറ്റകുറ്റപണികള് പൂര്ത്തിയാക്കാന് പൊതുമരാമത്ത് നിരത്തു വിഭാഗം എക്സിക്യൂട്ടീവ് എന്ജിനീയര്ക്കു നിര്ദേശം നല്കി.
മെഡിക്കല് കോളജ് പ്രവര്ത്തനം ആരംഭിക്കാനുള്ള അടിസ്ഥാന സൗകര്യങ്ങളുടെ ഭാഗമായുള്ള ഉപകരണങ്ങള് വാങ്ങുന്നതിന് എംഎല്എ ഫണ്ടില് നിന്നും ഒരു കോടി രൂപ ലഭ്യമാക്കും. വാങ്ങേണ്ട ഉപകരണങ്ങളുടെ ലിസ്റ്റ് തയാറാക്കി അടിയന്തരമായി സമര്പ്പിക്കാന് മെഡിക്കല് കോളജ് സ്പെഷല് ഓഫീസറെയും, സൂപ്രണ്ടിനെയും ചുമതലപ്പെടുത്തി. വെള്ളിയാഴ്ച തന്നെ ജില്ലാ കലക്ടര് ഇതിനുള്ള ഭരണാനുമതി നല്കും.
പ്രവര്ത്തനം ആരംഭിക്കുന്നതിനാവശ്യമായ ജീവനക്കാരെ താൽക്കാലികമായി നാഷണല് ഹെല്ത്ത് മിഷന് വഴി റിക്രൂട്ട് ചെയ്യും. മെഡിക്കല് കോളജ് സ്ഥലത്ത് പൊട്ടിച്ചു കൂട്ടിയിട്ടിരിക്കുന്ന കല്ലിന്റെ റോയല്റ്റി ഇന്ന് അടച്ച് വെള്ളിയാഴ്ചയ്ക്ക് മുന്പായി നീക്കം ചെയ്യാന് കരാറുകാരന് നിര്ദേശം നല്കി. സംസ്ഥാനത്തെ ഇതര മെഡിക്കല് കോളജുകളില് നിന്ന് ജോലി ക്രമീകരണ വ്യവസ്ഥയിലും കോന്നി മെഡിക്കല് കോളജിലേക്ക് ജീവനക്കാരെ എത്തിക്കും. അടുത്തയാഴ്ച ഇതു സംബന്ധിച്ച ഉത്തരവിറങ്ങും.
മെഡിക്കല് കോളജിലേക്ക് കെഎസ്ആര്ടിസി ബസ് സര്വീസ് ആരംഭിക്കും. മെഡിക്കല് കോളജ് പ്രവര്ത്തനം ആരംഭിക്കുന്നതിനായി അവലോകന യോഗം ഇനിമുതല് ആഴ്ചയില് ഒരിക്കല് ചേരുമെന്ന് എംഎല്എ പറഞ്ഞു. ആരോഗ്യ വകുപ്പ് മന്ത്രിയുടെ ഓഫീസും നിരന്തരം പുരോഗതി വിലയിരുത്തുന്നുണ്ട്. ആഴ്ചതോറുമുള്ള അവലോകന യോഗത്തില് ഇനി മുതല് ജില്ലാ കലക്ടറും പങ്കെടുക്കുമെന്ന് എംഎല്എ പറഞ്ഞു.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
