മെട്രോ ട്രാക്കിന് 500 മീറ്റര്‍ പരിധിയിലുള്ള സ്ഥാപനങ്ങളിലെ ജീവനക്കാര്‍ക്ക് കുറഞ്ഞ നിരക്കില്‍ യാത്ര ; പുതിയ ഓഫര്‍ പ്രഖ്യാപിച്ച് കൊച്ചി മെട്രോ

കൊച്ചി: കൊച്ചി മെട്രോ ട്രാക്കിന് 500 മീറ്റര്‍ പരിധിയിലുള്ള സ്ഥാപനങ്ങളിലെയും വിദ്യാഭ്യാസ സ്ഥാപനങ്ങളിലെയും ജീവനക്കാര്‍ക്ക് ഇനി കുറഞ്ഞ നിരക്കില്‍ യാത്ര ചെയ്യാം.പുതിയ ഓഫര്‍ പ്രഖ്യാപിച്ച് കൊച്ചി മെട്രോ റെയില്‍ ലിമിറ്റഡ്.കുറഞ്ഞ നിരക്കിലുള്ള ടിക്കറ്റിനായി മെട്രോ ട്രാക്കിന് 500 മീറ്റര്‍ പരിധിയിലുള്ള സ്ഥാപനങ്ങളിലെയും വിദ്യാഭ്യാസ സ്ഥാപനങ്ങളിലെയും മേധാവികള്‍ യാത്ര ചെയ്യാനുദ്ദേശിക്കുന്ന ജീവനക്കാരുടെ പേര്, വയസ്സ്, ഇവര്‍ യാത്ര തുടങ്ങുകയും അവസാനിപ്പിക്കുകയും ചെയ്യുന്ന സ്‌റ്റേഷനുകള്‍ എന്നീ വിവരങ്ങള്‍, യാത്രക്കാരുടെ ഫോട്ടോ ഐഡിയുടെ കോപ്പി എന്നിവ 31ന് മുന്‍പായി binish.l@kmrl.co.in എന്ന മെയില്‍ ഐഡിയിലേക്ക് അയയ്ക്കണം. കൂടുതല്‍ വിവരങ്ങള്‍ക്ക് 91889 57544 എന്ന ഫോണ്‍ നമ്പറില്‍ ബന്ധപ്പെടണമെന്ന് അധികൃതര്‍ അറിയിച്ചു.