കൊച്ചിയില് നിന്ന് ആഭ്യന്തര വിമാനയാത്ര തിങ്കളാഴ്ച മുതല്
മെയ് 25 മുതല് ജൂണ് 30 വരെ നിശ്ചയിച്ചിട്ടുള്ള ആദ്യഘട്ട സമയപ്പട്ടികയനുസരിച്ച് അഗത്തി, ബാംഗ്ലൂര്, കോഴിക്കോട്, ചെന്നൈ, ഡെല്ഹി, ഹൈദരാബാദ്, കണ്ണൂര്, മുംബൈ, മൈസൂര്, പൂനെ എന്നീ നഗരങ്ങളിലേയ്ക്കും തിരിച്ചും കൊച്ചി സര്വീസുണ്ടാകും.
കൊച്ചി: കൊവിഡ് മാനദണ്ഡങ്ങള് പാലിച്ചുകൊണ്ടുള്ള ആഭ്യന്തര വിമാനയാത്രയ്ക്ക് കേന്ദ്ര- സംസ്ഥാന സര്ക്കാരുകള് അനുമതി നല്കിയതോടെ കൊച്ചി വിമാനത്താവളത്തില് ഒരുക്കങ്ങള് പൂര്ത്തിയാക്കി. 30 ശതമാനം സര്വീസുകള് നടത്താനാണ് വിമാനക്കമ്പനികള്ക്ക് വ്യോമയാന മന്ത്രാലയം നിര്ദേശം നല്കിയിട്ടുള്ളത്. ഇതനുസരിച്ച് കൊച്ചിയില്നിന്ന് പ്രതിവാരം 113 സര്വീസുകലുണ്ടാവും. സമ്പൂര്ണമായി യന്ത്രസംവിധാനങ്ങള് ഉപയോഗിച്ചുള്ള ചെക്ക്-ഇന്, സുരക്ഷാ പരിശോധന, തിരിച്ചറിയല് പ്രക്രിയകള് നടത്താന് കൊച്ചി വിമാനത്താവളം തയ്യാറായിട്ടുണ്ട്.
മെയ് 25 മുതല് ജൂണ് 30 വരെ നിശ്ചയിച്ചിട്ടുള്ള ആദ്യഘട്ട സമയപ്പട്ടികയനുസരിച്ച് അഗത്തി, ബാംഗ്ലൂര്, കോഴിക്കോട്, ചെന്നൈ, ഡെല്ഹി, ഹൈദരാബാദ്, കണ്ണൂര്, മുംബൈ, മൈസൂര്, പൂനെ എന്നീ നഗരങ്ങളിലേയ്ക്കും തിരിച്ചും കൊച്ചി സര്വീസുണ്ടാകും. വെബ് ചെക്ക് ഇന്, ആരോഗ്യ സേതു മൊബൈല് ആപ്, സ്വയം വിവരം നല്കല് എന്നിവ സംബന്ധിച്ചുള്ള കേന്ദ്രസര്ക്കാര് മാനദണ്ഡങ്ങള് പാലിച്ചുവേണം യാത്രക്കാര് വിമാനത്താവളത്തില് എത്തേണ്ടത്. എയര് ഏഷ്യ, എയര് ഇന്ത്യ, അലയന്സ് എയര്, ഇന്ഡിഗോ, സ്പൈസ്ജെറ്റ്, വിസ്താര, എയര് ഇന്ത്യ എക്സ്പ്രസ് എന്നീ എയര്ലൈനുകളാണ് സര്വീസ് നടത്തുന്നത്.
യാത്രയ്ക്ക് നാല് മണിക്കൂര് മുമ്പുതന്നെ യാത്രക്കാര്ക്ക് ടെര്മിനലിനുള്ളില് പ്രവേശിക്കാം. രണ്ടുമണിക്കൂറിന് മുമ്പെങ്കിലും ടെര്മിനലില് റിപോര്ട്ട് ചെയ്തിരിക്കണം. വിമാനക്കമ്പനികള് ഓണ്ലൈന് ബുക്കിങ് തുടങ്ങിക്കഴിഞ്ഞു. മറ്റ് സംസ്ഥാനത്തേയ്ക്ക് പോകുന്നവര് അതത് സ്ഥലങ്ങളിലെ സുരക്ഷാ മാനദണ്ഡങ്ങള് പാലിക്കണം. ഇതിനുവേണ്ടി പാസ് ആവശ്യമാണെങ്കില് അത് ലഭ്യമാക്കണം. കൊച്ചിയില് എത്തിച്ചേരുന്ന യാത്രക്കാര് സംസ്ഥാന സര്ക്കാര് പുറപ്പെടുവിച്ചിട്ടുള്ള നിരീക്ഷ കേന്ദ്രങ്ങളില് കാവിഡ് ജാഗ്രതാ ആപ് സംബന്ധിച്ചുള്ള നിബന്ധനകള് പാലിക്കണം. കൊവിഡ് പ്രോട്ടോക്കോള് അനുസരിച്ചുള്ള സൗകര്യങ്ങളും കൊച്ചി വിമാനത്താവളത്തില് ഒരുക്കിയിട്ടുണ്ട്.
RELATED STORIES
കള്ളന്മാർക്ക് രക്ഷപ്പെടാൻ പഴുതുകളുള്ള ജനാധിപത്യം, ഇന്ത്യ അടുത്തൊന്നും...
26 April 2024 8:00 AM GMTമതേതര ഇന്ത്യയെ കാക്കാനും വർഗീയത എതിർക്കാനും ജനം എൽഡിഎഫിനൊപ്പം...
26 April 2024 7:58 AM GMTകോഴിക്കോട് യുവാവിന് കുത്തേറ്റു; ആക്രമണത്തിന് പിന്നില് ബിജെപിയെന്ന്...
26 April 2024 7:57 AM GMTജയിലില് കഴിയുന്ന നേതാക്കളെ താരപ്രചാരകരാക്കി എഎപി; കെജ്രിവാളിന്റെ...
26 April 2024 7:03 AM GMTകേന്ദ്ര-സംസ്ഥാന സർക്കാരുകളോടുള്ള പ്രതിഷേധം തിരഞ്ഞെടുപ്പിൽ...
26 April 2024 6:46 AM GMTരാജ്യത്തുടനീളം കോണ്ഗ്രസ് അനുകൂല സാഹചര്യമെന്ന് ജയറാം രമേശ്
26 April 2024 6:29 AM GMT