ഡ്രൈവർക്ക് കൊവിഡ്; കെഎസ്ആർടിസി കാട്ടാക്കട ഡിപ്പോ അടച്ചു

തിരുവനന്തപുരം: കെഎസ്ആർടിസി കാട്ടാക്കട ഡിപ്പോയിലെ ജീവനക്കാരന് കൊവിഡ് പോസിറ്റീവ് ആയ സാഹചര്യത്തിൽ ഡിപ്പോ അടച്ചു. ഡിപ്പോയിലെ ഡ്രൈവർക്കാണ് കൊവിഡ് സ്ഥിരീകരിച്ചത്. കാട്ടാക്കട സ്വദേശിയായ ഇയാൾ ഈമാസം 19 വരെ എല്ലാ ദിവസവും ഡ്യൂട്ടിക്കെത്തിയിരുന്നു. വിമാനത്താവളത്തിലെ ഡ്യൂട്ടിക്കിടയിൽ നിന്നാകാം ഇയാൾക്ക് കൊവിഡ് ബാധ ഉണ്ടായതെന്നാണ് കരുതപ്പെടുന്നത്. ആയിരത്തോളം പേരുമായി ഇയാൾ സമ്പർക്കം പുലർത്തിയിട്ടുണ്ടെന്നാണ് പ്രാഥമികമായ നിഗമനങ്ങൾ. ലക്ഷണങ്ങൾ അനുഭവപ്പെട്ടതിനെ തുടർന്ന് സ്വകാര്യ ആശുപത്രിയിൽ എത്തുകയും പരിശോധനയ്ക്കൊടുവിൽ കൊവിഡ് സ്ഥിരീകരിക്കുകയായിരുന്നു.