കഠിനംകുളം പീഡനം: പ്രതികളിൽ നിന്നും ഭര്‍ത്താവ് പണം വാങ്ങിയെന്ന് യുവതി

തിരുവനന്തപുരം: കഠിനംകുളം പീഡനക്കേസില്‍ ഭര്‍ത്താവിനെതിരെ യുവതിയുടെ മൊഴി. പീഡനം നടത്തിയവരില്‍ നിന്ന് ഭര്‍ത്താവ് പണം വാങ്ങിയെന്ന് യുവതി മൊഴി നല്‍കി. രണ്ട് കുട്ടികളുടെ അമ്മയായ 23കാരിയാണ് ഭർത്താവിന്റെ അറിവോടെയുള്ള പീഡനത്തിന് ഇരയായത്. അഞ്ച് വയസുള്ള കുഞ്ഞിന്റെ മുന്നിൽ വച്ച്‌ മദ്യം നൽകിയായിരുന്നു പീഡനം.

സുഹൃത്തുക്കളില്‍ ഒരാള്‍ പണം നല്‍കുന്നത് കണ്ടതായി യുവതി മൊഴി നൽകി. സുഹൃത്തുക്കള്‍ ഉപദ്രവിച്ചപ്പോള്‍ ഭര്‍ത്താവ് വീട്ടിലുണ്ടായിരുന്നെന്നും മൊഴിയില്‍ പറയുന്നു. പീഡനത്തിന് ഇരയായ യുവതിയെ ആദ്യം ഭർത്താവിന്റെ സുഹൃത്തിന്റെ വീട്ടിലും പിന്നീട് ആളൊഴിഞ്ഞ സ്ഥലത്തു വച്ചും മണിക്കൂറോളം ഉപദ്രവിച്ചു. ഒടുവിൽ കുഞ്ഞുമായി ഓടി രക്ഷപ്പെടുന്നതിനിടെ വഴിയിൽ കണ്ട കാർ യാത്രക്കാർ വീട്ടിലെത്തിക്കുകയും പോലിസിൽ അറിയിക്കുകയുമായിരുന്നു.