കെ സുരേന്ദ്രൻ ചുമതലയേറ്റു; മുതിർന്ന നേതാക്കൾ ചടങ്ങിൽ നിന്നും വിട്ടുനിന്നു
മുൻ സംസ്ഥാന അധ്യക്ഷൻ കുമ്മനം രാജശേഖരൻ, ശോഭാ സുരേന്ദ്രൻ എന്നിവർ സ്ഥാനാരോഹണ ചടങ്ങിൽ നിന്നും വിട്ടുനിന്നു. എം ടി രമേശ് റെയിൽവേ സ്റ്റേഷനിൽ സ്വീകരിച്ച ശേഷം മടങ്ങിപ്പോയി.
തിരുവനന്തപുരം: ബിജെപി സംസ്ഥാന അധ്യക്ഷനായി കെ സുരേന്ദ്രൻ ചുമതലയേറ്റെടുത്ത ചടങ്ങിൽ നിന്നും മുതിർന്ന നേതാക്കൾ വിട്ടുനിന്നു. മുൻ സംസ്ഥാന അധ്യക്ഷൻ കുമ്മനം രാജശേഖരൻ, ശോഭാ സുരേന്ദ്രൻ എന്നിവർ സ്ഥാനാരോഹണ ചടങ്ങിൽ നിന്നും വിട്ടുനിന്നു. എം ടി രമേശ് റെയിൽവേ സ്റ്റേഷനിൽ സ്വീകരിച്ച ശേഷം മടങ്ങിപ്പോയി. എ എൻ രാധാകൃഷ്ണൻ വൈകിയാണ് എത്തിയത്. മറ്റു പരിപാടികളുള്ളതിനാൽ സ്ഥാനമേറ്റെടുക്കൽ ചടങ്ങിനെത്തില്ലെന്ന് കുമ്മനം രാജശേഖരൻ അറിയിച്ചിരുന്നെന്നാണ് വിശദീകരണം. സുരേന്ദ്രൻ സംസ്ഥാന അധ്യക്ഷ പദവിയിലെത്തിയതിൽ കൃഷ്ണദാസ് പക്ഷം കടുത്ത അതൃപ്തിയിലാണ്.
പി എസ് ശ്രീധരൻപിള്ള സ്ഥാനമൊഴിഞ്ഞ് ഒരു ഇടവേളക്ക് ശേഷമാണ് കെ സുരേന്ദ്രനെ ബിജെപി സംസ്ഥാന അധ്യക്ഷനായി ദേശീയ നേതൃത്വം പ്രഖ്യാപിക്കുന്നത്. സംസ്ഥാന ബിജെപിയുടെ ചരിത്രത്തിലെ പ്രായം കുറഞ്ഞ അധ്യക്ഷൻ കൂടിയാണ് കെ സുരേന്ദ്രൻ. ഇന്ന് രാവിലെ 10.30ന് കുന്നുകുഴിയിലുള്ള പാർട്ടി ആസ്ഥാനത്ത് നടന്ന ചടങ്ങിലാണ് സുരേന്ദ്രൻ ചുമതലയേറ്റത്. കേന്ദ്രസഹമന്ത്രി വി മുരളീധരൻ, ദേശീയ സെക്രട്ടറി എച്ച് രാജ, ഒ രാജഗോപാൽ എംഎൽഎ, മധ്യപ്രദേശ് മുൻമുഖ്യമന്ത്രി ശിവരാജ് സിങ് ചൗഹാൻ തുടങ്ങി നിരവധി നേതാക്കളും ചടങ്ങിൽ പങ്കെടുത്തു. ഏറെ കാലമായി പാര്ട്ടിയോട് അകന്ന് കഴിയുന്ന പി പി മുകുന്ദൻ അടക്കം മുതിര്ന്ന നേതാക്കളും കെ സുരേന്ദ്രന്റെ പ്രത്യേക താൽപര്യ പ്രകാരം തിരുവനന്തപുരത്ത് എത്തിയിരുന്നു.
ബിജെപിയുടെ പുതുയുഗത്തിന്റെ തുടക്കമാണെന്നായിരുന്നു കേന്ദ്ര മന്ത്രി വി മുരളീധരന്റെ പ്രതികരണം. രാവിലെ സെൻട്രൽ റെയിൽവേ സ്റ്റേഷനിലെത്തിയ സുരേന്ദ്രന് വൻ സ്വീകരണമാണ് പാർട്ടി പ്രവർത്തകർ ഒരുക്കിയത്. തിരുവനന്തപുരം ജില്ലാ പ്രസിഡന്റ് വി വി രാജേഷിന്റെ നേതൃത്വത്തിൽ വലിയ സ്വീകരണ ചടങ്ങാണ് സംഘടിപ്പിച്ചിരുന്നത്. തിരുവനന്തപുരം റെയിൽവേ സ്റ്റേഷനിൽ നിന്ന് റോഡ് ഷോയുടെ അകമ്പടിയോടെയായിരുന്നു കുന്നുകുഴിയിലേക്കുള്ള യാത്ര.
RELATED STORIES
വിഎസിന്റെ വഴിയേ പിണറായിയും...
7 March 2024 7:33 AM GMTഗാന്ധിയെ കൊന്നവര് നീതിയെ കൊല്ലുന്നു; രഞ്ജിത്ത് ശ്രീനിവാസന്...
30 Jan 2024 4:26 PM GMTജൂണ് ആറിന് മുമ്പ് മടങ്ങണം; ഉംറ വിസയില് സൗദിയിലെത്തിയവര്ക്ക്...
20 Jan 2024 10:04 AM GMTരാമക്ഷേത്ര പ്രതിഷ്ഠയില് പങ്കെടുത്ത് സോണിയാഗാന്ധിക്ക് സായൂജ്യമടയാം;...
27 Dec 2023 2:18 PM GMTരാജീവ് ചന്ദ്രശേഖരനെ 'തെമ്മാടി മന്ത്രി' എന്ന് വിളിക്കാനുള്ള...
31 Oct 2023 10:22 AM GMTകേരളത്തിന്റെ ഇസ് ലാമോഫോബിയാമാപിനി കൂടിയാണിത്; ഫലസ്തീന് വിഷയത്തില്...
18 Oct 2023 8:19 AM GMT