ഇന്ത്യ ഭരിക്കുന്നത് എണ്ണ കമ്പനിക്കാര് വില നിശ്ചയിക്കുമ്പോള് അതില് ഒപ്പിട്ട് കൊടുക്കുന്ന പ്രധാനമന്ത്രി: കോടിയേരി
പ്രതിദിനം 10 കോടി രൂപയാണ് ബിജെപി അക്കൗണ്ടില് എത്തുന്നത്. പാവങ്ങളെ കൊള്ളയടിച്ച ഈ പണം ഉപയോഗിച്ചാണ് ബിജെപി തിരഞ്ഞെടുപ്പില് വോട്ട് ബാങ്ക് സൃഷ്ടിച്ച് അധികാരത്തിലെത്തുന്നത്.
കണ്ണൂർ: എണ്ണ കമ്പനിക്കാര് വില തീരുമാനിക്കുമ്പോള് അതില് ഒപ്പിട്ട് കൊടുക്കുന്ന പ്രധാനമന്ത്രിയാണ് ഇന്ത്യ ഭരിക്കുന്നതെന്ന വിമര്ശനവുമായി സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്. ബിജെപിയും കോര്പറേറ്റുകളും ചേര്ന്ന് രാജ്യത്തെ ജനങ്ങളെ കൊള്ളയടിക്കുകയാണെന്നും കോടിയേരി പറഞ്ഞു.
സിപിഎം കേന്ദ്രകമ്മിറ്റി കണ്ണൂരില് നടത്തുന്ന പ്രതിഷേധ ദിനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ദിവസവും ഇന്ധനവില വര്ധിപ്പിക്കുന്ന രാജ്യം ഇന്ത്യ മാത്രമാണ്. നരസിംഹ റാവുവും മന്മോഹന് സിങ്ങും വാജ്പേയും നരേന്ദ്രമോദിയും ചേര്ന്നാണ് ഇന്ധനവില ഇത്രയുമധികമാക്കിയത്.
പെട്രോള് വില നിര്ണയിക്കാനുള്ള അധികാരം കോണ്ഗ്രസ് എണ്ണ കമ്പനികള്ക്ക് വിട്ടു കൊടുത്തപ്പോള് ഡീസല് വില നിര്ണയിക്കാനുള്ള അധികാരം ബിജെപി എണ്ണ കമ്പനികള്ക്ക് വിട്ടു നല്കി. അടുത്ത ലോക്സഭ തിരഞ്ഞെടുപ്പില് ബിജെപിയെ അധികാരത്തില് നിന്നും താഴെ ഇറക്കിയാല് മാത്രമേ ഈ ഇന്ധന വില വര്ധനവിന് അറുതി ഉണ്ടാകൂ,' കോടിയേരി പറഞ്ഞു.
പ്രതിദിനം 10 കോടി രൂപയാണ് ബിജെപി അക്കൗണ്ടില് എത്തുന്നത്. പാവങ്ങളെ കൊള്ളയടിച്ച ഈ പണം ഉപയോഗിച്ചാണ് ബിജെപി തിരഞ്ഞെടുപ്പില് വോട്ട് ബാങ്ക് സൃഷ്ടിച്ച് അധികാരത്തിലെത്തുന്നത്. ബിജെപിയുമായി ഒത്തുചേര്ന്ന് കോര്പറേറ്റുകളെ സഹായിക്കുകയാണ് കോണ്ഗ്രസെന്നും കോടിയേരി കുറ്റപ്പെടുത്തി.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
