ഐഎംഎയുടെ മെഡിക്കല്‍ സമരം മാറ്റിവച്ചു

തിരുവനന്തപുരം; നാഷണല്‍ മെഡിക്കല്‍ ബില്ലിലെ അപാകതകള്‍ പരിഹരിക്കണമെന്ന് ആവശ്യപ്പെട്ട് കൊണ്ട് നാളെ ഇന്ത്യന്‍ മെഡിക്കല്‍ അസോസിയേന്റെ നേതൃത്വത്തില്‍ രാജ്യവ്യാപകമായി നടത്താനിരുന്ന മെഡിക്കല്‍ സമരം മാറ്റിവച്ചു. കേന്ദ്ര ആരോഗ്യ വകുപ്പ് മന്ത്രിയുമായി നടത്തിയ ചര്‍ച്ചയുടെ അടിസ്ഥാനത്തിലാണ് സമരം മാറ്റിവച്ചത്.

ചര്‍ച്ചയില്‍ ഇന്ത്യന്‍ മെഡിക്കല്‍ അസോസിയേഷന്‍ ഉന്നയിച്ച ആവശ്യങ്ങല്‍ പരിഹരിക്കാമെന്നും ചര്‍ച്ചകള്‍ തുടരുവാന്‍ കേന്ദ്രസര്‍ക്കാര്‍ തയ്യാറാണെന്ന് കേന്ദ്ര ആരോഗ്യമന്ത്രി ഐഎംഎ നേതൃത്വത്തെ അറിയച്ചതിനെ തുടര്‍ന്നാണ് നാളെ സമരം മാറ്റി വെക്കുന്നതെന്ന് ഐഎംഎ കേരള ഘടകം അറിയിച്ചു.

മെഡിക്കൽ വിദ്യാർഥികൾ നടത്തുന്ന പ്രതിഷേധം തുടരും. നാളെ രാജ്ഭവനിലേക്കു മാർച്ച് നടത്തുവാൻ വിദ്യാർഥികൾ തീരുമാനിച്ചിട്ടുണ്ട്.