നെടുമ്പാശേരി വഴി സ്വര്‍ണം കടത്താന്‍ ശ്രമിച്ച യാത്രക്കാരനും ഏജന്റും പിടിയില്‍

കൊച്ചി: നെടുമ്പാശേരി വിമാനത്താവളം വഴി സ്വര്‍ണം കടത്താന്‍ ശ്രമിച്ച യാത്രക്കാരനും ഇയാളില്‍ നിന്നും സ്വര്‍ണം വാങ്ങാന്‍ പുറത്ത് കാത്തു നിന്ന ഏജന്റും അറസ്റ്റില്‍. ദുബായില്‍ നിന്നും സ്വര്‍ണവുമായി എത്തിയ മലപ്പുറം കൊണ്ടോട്ടി സ്വദേശി ഹബീബ് റഹ്മാന്‍, ഇയാളില്‍ നിന്നും സ്വര്‍ണം വാങ്ങാന്‍ പുറത്ത് കാത്ത് നിന്ന കൊടുവള്ളി സ്വദേശി മെഹബൂബ് അലി എന്നിവരെയാണ് കസ്റ്റംസം പിടികൂടിയത്.ഇവര്‍ അനധികൃതമായി കടത്താന്‍ ശ്രമിച്ച ഒരു കിലോ 90 ഗ്രാം സ്വര്‍ണവും കസ്റ്റംസ് പിടിച്ചെടുത്തു.അരയിലും മലദ്വാരത്തിലുമായി ഒളിപ്പിച്ചാണ് ഹബീബ് സ്വര്‍ണം കടത്താന്‍ ശ്രമിച്ചത്. സംശയം തോന്നി കസ്റ്റംസ് നടത്തിയ വിശദമായ പരിശോധനയിലാണ് സ്വര്‍ണം കണ്ടെത്തിയത്. ഇയാളെ ചോദ്യം ചെയ്തതില്‍ നിന്നാണ് പുറത്ത് കാത്തു നിന്ന മെഹബൂബും പിടിയിലായത്.ഇയാള്‍ എത്തിയ കാറും പിടിച്ചെടുത്തു.