പെണ്കുട്ടികളെ തട്ടിക്കൊണ്ടുപോയി കൂട്ടബലാല്സംഗം ചെയ്ത പിടികിട്ടാപ്പുള്ളി അറസ്റ്റില്
കണ്ണൂര്: പ്രായപൂര്ത്തിയാവാത്ത പെണ്കുട്ടികളെ തട്ടിക്കൊണ്ടുപോയി കൂട്ടബലാല്സംഗത്തിനിരയാക്കിയ ശേഷം റെയില്വെ സ്റ്റേഷനില് തള്ളിയ പിടികിട്ടാപ്പുള്ളിയെ പോലിസ് സാഹസികമായി പിടികൂടി. കാസര്കോട് ചെറുവത്തൂര് കൈതക്കാട് സ്വദേശി എം പി രാകേഷിനെ (41) യാണ് ടൗണ് സ്റ്റേഷന് പോലിസ് ഇന്സ്പെക്ടര് ശ്രീജിത് കൊടേരിയുടെ നേതൃത്വത്തില് ഇന്ന് പുലര്ച്ചെ ചെറുവത്തൂരില് വച്ച് പിടികൂടിയത്.
2005 സപ്തംബര് 3ന് രാവിലെ 11.45 ഓടെ കണ്ണൂര് പള്ളിക്കുന്നിലെ പ്രായപൂര്ത്തിയാവാത്ത 15 ഉം 14 ഉം വയസ്സുള്ള സഹോദരങ്ങളെ പ്രലോഭിപ്പിച്ച് സുഹൃത്തായ മുഴുപ്പിലങ്ങാട്ടെ കെ പി രൂപേഷിനൊപ്പം തട്ടിക്കൊണ്ടുപോയി മൈസൂരിലും ചെന്നൈയിലും കൊണ്ടുപോയി പീഡനത്തിനിരയാക്കി ദിവസങ്ങള്ക്ക് ശേഷം തലശ്ശേരി റെയില്വെ സ്റ്റേഷനില് ഉപേക്ഷിച്ച് കടന്നുകളയുകയായിരുന്നു പ്രതി.
അന്വേഷണസംഘത്തിലെ എസ്ഐ യോഗേഷ്, എഎസ്ഐ നാസര്, സിവില് പോലിസ് ഓഫിസര് രഞ്ജിത് എന്നിവരടങ്ങിയ സംഘമാണ് പ്രതിയെ പിടികൂടിയത്. സംഭവ ശേഷം വിദേശത്തും മറ്റും ഒളിവില് കഴിയുകയായിരുന്ന പ്രതിയെ 2008 ല് കണ്ണൂര് ജുഡിഷ്യല് ഒന്നാം ക്ലാസ് മജിസ്ട്രേറ്റ് കോടതി പിടികിട്ടാപ്പുള്ളിയായി പ്രഖ്യാപിച്ചിരുന്നു. അക്കാലത്ത്ഏറെ കോളിളക്കം സൃഷ്ടിച്ച കേസായിരുന്നു. മക്കളെ കാണാനില്ലെന്ന പിതാവിന്റെ പരാതിയിലായിരുന്നു പോലിസ് കേസെടുത്തത്. അറസ്റ്റിലായ പ്രതിയെ ഇന്ന് കോടതിയില് ഹാജരാക്കും.
RELATED STORIES
റിയാസ് മൗലവി വധം: ജനകീയ കണ്വന്ഷന് അനുമതി നിഷേധിച്ച് പോലിസ്
18 April 2024 12:52 PM GMTകോഴിക്കോട് ഐസിയു പീഡനക്കേസ്; അതിജീവിത കമ്മിഷണർ ഓഫീസിന് മുമ്പിൽ സമരം...
18 April 2024 12:35 PM GMTപ്രമേഹം കൂട്ടി ജാമ്യം ലഭിക്കാൻ കെജ്രിവാൾ ജയിലിൽ മാങ്ങയും മധുരവും...
18 April 2024 12:34 PM GMTഇറാന് പിടിച്ചെടുത്ത കപ്പലിലെ മലയാളി യുവതിയെ മോചിപ്പിച്ചു
18 April 2024 12:31 PM GMTകാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMTലോക്സഭാ തിരഞ്ഞെടുപ്പ്; നാലാംഘട്ട വിജ്ഞാപനം പുറത്തിറക്കി തിരഞ്ഞെടുപ്പ് ...
18 April 2024 10:10 AM GMT