വൈറ്റില, കുണ്ടന്നൂര് മേല്പ്പാലങ്ങള് നവംബറില് പൂര്ത്തിയാക്കും; പാലാരിവട്ടം പാലം 9 മാസത്തിനുള്ളില്
പാലാരിവട്ടം മേല്പ്പാലം പുനര് നിര്മ്മിക്കുന്നതിന് 9 മാസം ആണ് സംസ്ഥാന സര്ക്കാര് അനുവദിച്ചിരിക്കുന്നത്. ഇതിന് ആവശ്യമായ പണം കൈവശമുണ്ടെന്ന് ഡിഎംആര്സിയും ഇ ശ്രീധരനും അറിയിച്ചിട്ടുണ്ട്. മുന് കരാറനുസരിച്ച് പാലം പൊളിച്ചു പണിയുന്നതിനുള്ള മുഴുവന് തുകയും പഴയ കരാറുകാരന് നല്കേണ്ടതുണ്ട്. നിര്മ്മാണ കരാര് കൊണ്ട് സംഭവിച്ച നഷ്ടം കരാറുകാരന് തന്നെ നികത്തണം എന്നാണ് വ്യവസ്ഥ. സര്ക്കാരിന്റെ പൊതു നിര്മ്മിതികള് തടസ്സപ്പെടുത്താന് ചിലര് രംഗത്തെത്തിയിട്ടുണ്ട്.
പഴയ കരാറുകാരനെ രക്ഷിക്കുന്നതിനു വേണ്ടി ഏതാനും സ്വകാര്യ എന്ജിനീയര്മാര് വാദം ഉന്നയിക്കുകയാണ്. സ്ട്രക്ചറല് എഞ്ചിനീയര്മാര് എന്ന് സ്വയം വിശേഷിപ്പിക്കുന്ന ഇവരുടെ സേവനം കരാറുകാര്ക്ക് വേണ്ടിയാണ്. നാടിനു വേണ്ടിയല്ല. അവര് നിര്ബന്ധിച്ചതിനാലാണ് പഴയ കരാറുകാരന് ഹൈക്കോടതിയില് കേസിനു പോയത്. ഈ കേസില്ലായിരുന്നുവെങ്കില് ഈ സമയത്തിനുള്ളില് പാലത്തിന്റെ പുനര്നിര്മ്മാണം പൂര്ത്തിയാകുമായിരുന്നു. വിദഗ്ധര് എന്ന് അവകാശപ്പെടുന്ന ചിലര്, അവരുടെ വൈദഗ്ദ്ധ്യം പണത്തിനു വേണ്ടി വിറ്റു തുലച്ചവരാണ്. പാലാരിവട്ടം പാലത്തിന്റെ നിര്മാണം തുടങ്ങിയത് 2014 ജൂണ് ഒന്നിനാണ്. മുന് സര്ക്കാരിന്റെ കാലത്ത് മുപ്പത് മാസവും ഈ സര്ക്കാരിന്റെ കാലത്ത് രണ്ടു മാസവും ആണ് നിര്മാണ പ്രവര്ത്തനങ്ങള് നടന്നത്. ഈ സര്ക്കാരിന്റെ കാലത്ത് മിനുക്കുപണികള് മാത്രമാണ് ബാക്കിയുണ്ടായിരുന്നത്. അതുവരെ ഉണ്ടായ നിര്മ്മാണ രീതികളില് നിന്ന് വേറിട്ട പലരീതികളും
പാലാരിവട്ടം പാലത്തിന്റെ നിര്മ്മാണത്തില് അവലംബിച്ചു. മേല്നോട്ടം വഹിക്കുന്നതില് കിറ്റ്കോ ഗുരുതരമായ വീഴ്ച വരുത്തി. പാലത്തിന്റെ അപാകതകളെക്കുറിച്ച് മദ്രാസ് ഐഐടിയും ഇന്ത്യന് റോഡ് കോണ്ഗ്രസും ഉള്പ്പെടെയുള്ള സ്ഥാപനങ്ങള് പഠനം നടത്തി റിപ്പോര്ട്ട് നല്കിയതാണ്.
ഇവയുടെ അടിസ്ഥാനത്തിലാണ് പാലം പുനര്നിര്മ്മാണവുമായി സര്ക്കാര് മുന്നോട്ട് പോകുന്നതെന്നും മന്ത്രി പറഞ്ഞു.
RELATED STORIES
മലയാളികളടക്കം ജീവനക്കാരെ സ്വതന്ത്രരാക്കിയെന്ന് ഇറാൻ; വിട്ടയക്കാതെ...
4 May 2024 10:53 AM GMTവയനാട് നെയ്ക്കുപ്പയിൽ വീട്ടിലേക്കുള്ള വഴിയിൽ നിർത്തിയിട്ട കാറും...
4 May 2024 10:50 AM GMTഅരളിപ്പൂവിൽ വിഷാംശം ഉണ്ടെന്ന് റിപ്പോർട്ട് കിട്ടിയിട്ടില്ലെന്ന് ...
4 May 2024 10:46 AM GMTരോഹിത് വെമുല കേസ് ; പുനരന്വേഷണം നടത്തും
4 May 2024 10:44 AM GMTആറളം ഫാമിലെ വീടിന്റെ അടുക്കള ഭാഗം കാട്ടാന തകര്ത്തു
4 May 2024 10:37 AM GMTഡ്രൈവർ-മേയർ തർക്കം കോടതിയിൽ; കെഎസ്ആർടിസി ഡ്രൈവർ യദു ഹരജി നൽകി
4 May 2024 10:34 AM GMT