ന്യൂനപക്ഷ യുവജന പരിശീലന കേന്ദ്രത്തില്‍ സൗജന്യ പരിശീലനം

കോഴിക്കോട്: കോഴിക്കോട് ന്യൂനപക്ഷ യുവജന പരിശീലന കേന്ദ്രത്തില്‍ ജൂലൈ 1 മുതല്‍ പുതിയ കോഴ്‌സുകള്‍ / ബാച്ചുകള്‍ ആരംഭിക്കുന്നു. ബിരുദം, പ്ലസ് ടു തലം, അവധി ദിന ക്ലാസുകള്‍ എന്നിങ്ങനെ മൂന്ന് കോഴ്‌സുകള്‍ ആണ് തുടങ്ങുന്നത്. സിജിഎല്‍, ബാങ്കിങ്, കെഎസ് മുതലായ മല്‍സരപ്പരീക്ഷകള്‍ക്കുള്ള തീവ്രപരിശീലന കോഴ്‌സുകള്‍ക്കും അവസരമുണ്ടാകുമെന്നതാണ് ഈ വര്‍ഷത്തെ പ്രത്യേകത.

അപേക്ഷ നല്‍കേണ്ട അവസാന തിയ്യതി ജൂണ്‍ 20 വൈകുന്നേരം 5മണി വരെയാണ്. ജൂണ്‍ 23 നാണ് പ്രവേശന പരീക്ഷ. ഇത് സംസ്ഥാനത്താകെ ഒരേ ദിവസമാണ്.

ന്യൂനപക്ഷ വിഭാഗത്തിനു പുറമെ 20% സീറ്റുകള്‍ മറ്റു പിന്നോക്ക വിഭാഗങ്ങള്‍ക്ക് ലഭിക്കും. പരീശീലനം പൂര്‍ണമായും സൗജന്യമാണ്.

താല്പര്യമുള്ള ഉദ്യോഗാര്‍ത്ഥികള്‍ യോഗ്യതാ സര്‍ട്ടിഫിക്കറ്റുകള്‍, എസ് എസ് എല്‍ സി സര്‍ട്ടിഫിക്കറ്റ് എന്നിവയുടെ കോപ്പി, 2 പാസ്‌പോര്‍ട്ട് സൈസ് ഫോട്ടോ എന്നിവയുമായി അപേക്ഷകള്‍ ഓഫിസില്‍ സമര്‍പ്പിക്കേണ്ടതാണ്.

ജൂണ്‍ 1 മുതല്‍ അപേക്ഷകള്‍ ഓഫിസില്‍ നിന്ന് ലഭിച്ചു തുടങ്ങും.

കൂടുതല്‍ വിവരങ്ങള്‍ക്ക്: 04952724610 എന്ന നമ്പറില്‍ വിളിക്കുക.