വയനാട് തരുവണ സര്‍വീസ് സഹകരണ ബാങ്കില്‍ സാമ്പത്തിക തിരിമറി

വയനാട്: തരുവണ സര്‍വീസ് സഹകരണ ബാങ്കില്‍ സാമ്പത്തിക തിരിമറി നടന്നതായി കണ്ടെത്തല്‍. അസിസ്റ്റന്റ് രജിസ്ട്രാര്‍ ജൂനിയര്‍ രജിസ്ട്രാര്‍ക്ക് നല്‍കിയ റിപോര്‍ട്ടിലാണ് സാമ്പത്തിക തിരിമറി കണ്ടെത്തിയത്. അസിസ്റ്റന്റ് രജിസ്ട്രാറുടെ അന്വേഷണത്തില്‍ ജീവനക്കാരുടെ അക്കൗണ്ടിലേക്ക് കൂടുതല്‍ തുക വന്നതായാണ് കണ്ടെത്തിയത്.

ജീവനക്കാര്‍ അവര്‍ക്ക് അനുവദിച്ചിട്ടുള്ള ഇടപാടുകള്‍ക്ക് പുറമെ കോടികണക്കിന് ഇടപാടുകളാണ് അവരുടെ അക്കൗണ്ട് ഉപയോഗിച്ച് നടത്തിയിട്ടുള്ളത്. ബാങ്ക് സെക്രട്ടറി ആയിട്ടുള്ള വിജയേശ്വരി എന്നവരുടെ അക്കൗണ്ടിലേക്ക് 2014 മുതല്‍ 2023 വരെയുള്ള കാലയളവില്‍ 2,41,75064 രൂപ വരവും 2,41,68692 രൂപ ചെലവും രേഖപ്പെടുത്തിയിരിക്കുന്നു. ശമ്പള തുക വരവ് വെച്ചതിന് പുറമെ നിരവധി സാമ്പത്തിക ഇടപാടുകള്‍ നടന്നിട്ടുണ്ടെന്നാണ് കണ്ടെത്തല്‍.

അസിസ്റ്റന്റ് രജിസ്ട്രാറിന്റെ റിപ്പോര്‍ട്ടിന്റെ മേല്‍ ബന്ധപ്പെട്ടവരുടെ മൊഴി രേഖപ്പെടുത്തിയതായി ജോയിന്റ് രജിസ്ട്രാറിന്റെ മറുപടി. വീട് പണിയുടെയും മറ്റ് ബാങ്ക് അക്കൗണ്ടുകളുടെയും ഇടപാടുകള്‍ വന്നതുകൊണ്ടാണ് ഇത്രയധികം തുക അക്കൗണ്ടില്‍ കാണിച്ചതെന്നും മൊഴിയില്‍ പറയുന്നു. മേലില്‍ ഇത്തരം സംഭവങ്ങള്‍ ആവര്‍ത്തിക്കരുതെന്നും വ്യക്തിപരമായ ഇടപാടുകള്‍ അല്ലാതെ യാതൊരു ഇടപാടും ജീവനക്കാരുടെ അക്കൗണ്ടില്‍ ഉണ്ടാകരുതെന്നും ജോയിന്‍ രജിസ്റ്ററുടെ മറുപടിയില്‍ പറയുന്നു.