മോഷ്ടിച്ച ബൈക്ക് പിടികൂടാന്‍ ശ്രമിക്കുന്നതിനിടയില്‍ എ എസ് ഐക്ക് കുത്തേറ്റു

കൊച്ചി: എറണാകുളം ഇടപ്പള്ളിയില്‍ മോഷ്ടാവിനെ പിടികൂടാന്‍ ശ്രമിക്കുന്നതിനിടയില്‍ എഎസ് ഐക്ക് കുത്തേറ്റു.എളമക്കര പോലിസ് സ്‌റ്റേഷനിലെ എ എസ് ഐ ഗിരീഷ്‌കുമാറിനാണ് കുത്തേറ്റത്. കളമശേരി എച്ച് എം ടി കോളനിയിലെ ബിച്ചുവെന്ന് പ്രതിയാണ് കുത്തിയത്.

ഇന്ന് പുലര്‍ച്ചെ ഇടപ്പള്ളിയില്‍ വെച്ചാണ് സംഭവം.കളമശേരിയില്‍ നിന്നും മോഷ്ടിച്ച ബൈക്ക് പിടികൂടാന്‍ ശ്രമിക്കുന്നതിനിടയിലാണ് എ എസ് ഐ ഗിരീഷിനെ ഇയാള്‍ ആക്രമിച്ചത്.ഗിരീഷിന്റെ കൈയ്ക്കാണ് കുത്തേറ്റത്.തുടര്‍ന്ന് ഗിരീഷിനെ ആശുപത്രിയില്‍ പ്രവേശിപ്പിച്ചു.ബിച്ചുവിനെ പോലിസ് ഓടിച്ചിട്ട് പിടികൂടി.