പണം വെച്ച് ചീട്ടു കളി: കോതമംഗലത്ത് ആറംഗ സംഘം പിടിയില്‍;38,000 രൂപയും പിടിച്ചെടുത്തു

കൊച്ചി: കോതമംഗലം ഇലവും പറമ്പ് ഭാഗത്ത് പണം വച്ച് ചീട്ടു കളിക്കുന്ന ആറംഗ സംഘത്തെ പോലിസ് പിടികൂടി. ജയരാജ് (39), ബൈജു (39), ബിജു (45), ദിലീപ് (36), യോഹന്നാന്‍ (65), പ്രദീപ് (57), ഷിജു (43), സുമോദ് (30) , അജി ദാസ് (31) എന്നിവരെയാണ് പിടികൂടിയത്. ഇവരില്‍ നിന്ന് 38,000 ത്തോളം രൂപയും പിടികൂടിയതായി പോലിസ് പറഞ്ഞു.

ജില്ലാപോലിസ് മേധാവി കെ കാര്‍ത്തിക്കിന് രഹസ്യ വിവരം ലഭിച്ചതിനെ തുടര്‍ന്ന് നിരീക്ഷണത്തിലായിരുന്നു പ്രദേശം. പ്രത്യേക ഷെഡ് കെട്ടി അതിലായിരുന്നു പണം വച്ച് ചീട്ടു കളിച്ചു കൊണ്ടിരുന്നത്. എസ്എച്ച്ഒ വി എസ് വിപിന്‍ , എസ്‌ഐ ഇ പി ജോയി, എസ്‌സിപി ഒ പരീത്, നൗഷാദ് എന്നിവരും ഡാന്‍സാഫ് ടീമും ചേര്‍ന്നാണ് സംഘത്തെ പിടികൂടിയത്.