മകനെ മര്ദ്ദിക്കുന്നത് കണ്ട് പിടിച്ചു മാറ്റാന് ചെന്ന അച്ഛന് മര്ദ്ദനമേറ്റ് മരിച്ച സംഭവം: മൂന്ന് പേര് അറസ്റ്റില്
ആലങ്ങാട് സ്വദേശി നിഥിന് (24), നീറിക്കോട് സ്വദേശി തൗഫീക്ക് (22) കരുമാലൂര് സ്വദേശി വിവേക് (23) എന്നിവരെയാണ് ആലുവ വെസ്റ്റ് പോലിസ് അറസ്റ്റ് ചെയ്തത്. ആലങ്ങാട് നീറിക്കോട് സ്വദേശി വിമല് കുമാറാണ് മരിച്ചത്
![മകനെ മര്ദ്ദിക്കുന്നത് കണ്ട് പിടിച്ചു മാറ്റാന് ചെന്ന അച്ഛന് മര്ദ്ദനമേറ്റ് മരിച്ച സംഭവം: മൂന്ന് പേര് അറസ്റ്റില് മകനെ മര്ദ്ദിക്കുന്നത് കണ്ട് പിടിച്ചു മാറ്റാന് ചെന്ന അച്ഛന് മര്ദ്ദനമേറ്റ് മരിച്ച സംഭവം: മൂന്ന് പേര് അറസ്റ്റില്](https://www.thejasnews.com/h-upload/2022/08/15/200600-arrest.gif)
കൊച്ചി: മകനെ മര്ദ്ദിക്കുന്നത് കണ്ട് പിടിച്ചു മാറ്റാന് ചെന്ന അച്ഛന് മര്ദ്ദനമേറ്റ് മരിച്ച കേസില് മൂന്ന് പേര് അറസ്റ്റില്. ആലങ്ങാട് സ്വദേശി നിഥിന് (24), നീറിക്കോട് സ്വദേശി തൗഫീക്ക് (22) കരുമാലൂര് സ്വദേശി വിവേക് (23) എന്നിവരെയാണ് ആലുവ വെസ്റ്റ് പോലിസ് അറസ്റ്റ് ചെയ്തത്. ആലങ്ങാട് നീറിക്കോട് സ്വദേശി വിമല് കുമാറാണ് മരണമടഞ്ഞത്. കഴിഞ്ഞ ഇരുപതിന് വൈകിട്ടായിരുന്നു. സംഭവം.
വിമല് കുമാറിന്റെ മകന് റോഹിനെയും സുഹൃത്തിനെയും പ്രതികള് ആക്രമിക്കുന്നത് കണ്ട് പിടിച്ച് മാറ്റാന് ചെന്ന വിമല് കുമാറിനെയും ഇവര് ആക്രമിക്കുകയായിരുന്നു. തുടര്ന്ന് ആശുപത്രിയില് ചികില്സയിലിരിക്കെ അന്ന് തന്നെ മരണമടഞ്ഞു. ആക്രമണത്തില് നേരിട്ട് പങ്കെടുത്തവരാണ് നിഥിനും, തൗഫീക്കും ഇതിന് ശേഷം ഇവര്ക്ക് രക്ഷപ്പെടാന് വാഹനം നല്കി സഹായിച്ചതാണ് വിവേക് എന്ന് പോലിസ് പറഞ്ഞു.
സംഭവത്തെ തുടര്ന്ന് ജില്ലാ പോലീസ് മേധാവി വിവേക് കുമാറിന്റെ നേതൃത്വത്തില് പ്രത്യേക അന്വേഷണ സംഘം രൂപീകരിച്ചിരുന്നു. ഇന്സ്പെക്ടര് ബേസില് തോമസ്, എസ്ഐ രതീഷ് ബാബു, എഎസ്ഐ മാരായ സജിമോന്, ബിനോജ്, എസ്സിപിഒ മുഹമ്മദ് നൗഫല്, സിപിഒ മാരായ സിറാജുദ്ദീന്, എഡ്വിന് ജോണി, പ്രതീഷ് എന്നിവരും അമ്പേഷണ സംഘത്തിലുണ്ടായിരുന്നു.
RELATED STORIES
മണപ്പുറം ഫിനാന്സ് തട്ടിപ്പ്; പ്രതി ധന്യാ മോഹന് പോലിസില് കീഴടങ്ങി
26 July 2024 5:46 PM GMTആര്എസ്എസിനെ പുകഴ്ത്തിയും വിലക്കിനെ വിമര്ശിച്ചും മധ്യപ്രദേശ്...
26 July 2024 5:25 PM GMT'അര്ജുനെ കണ്ടെത്താന് കുടുതല് ഇടപെടല് വേണം'; പ്രതിരോധ മന്ത്രിക്കും...
26 July 2024 5:06 PM GMTഖാന് യൂനിസില് വീണ്ടും ഇസ്രായേല് കൂട്ടക്കുരുതി; 18 പേര്...
26 July 2024 4:55 PM GMTസംസ്ഥാന സ്കൂള് കലോല്സവം ഡിസംബര് മൂന്നുമുതല് തിരുവനന്തപുരത്ത്
26 July 2024 4:45 PM GMTനീറ്റ് യുജി പുതുക്കിയ റാങ്ക് പട്ടിക പുറത്തിറക്കി; കണ്ണൂര് സ്വദേശി...
26 July 2024 4:29 PM GMT