വാഹനാപകട കേസ്: ആക്സിഡന്റ് ഇന്ഫര്മേഷന് റിപ്പോര്ട്ട് തയ്യാറാക്കാന് നിര്ദ്ദേശം
നഷ്ടപരിഹാരം ലഭിക്കാന് അര്ഹതയുണ്ടെന്ന് അവകാശപ്പെടുന്ന വ്യക്തിക്കും ഇന്ഷുറന്സ് സ്ഥാപനത്തിനും നിശ്ചിത ഫീസ് ഈടാക്കി അപകടത്തില്പ്പെട്ട വാഹനത്തിന്റെ വിവരങ്ങള് നല്കാം.
തിരുവനന്തപുരം: വാഹനാപകടത്തില്പ്പെട്ടയാള്ക്ക് നഷ്ടപരിഹാരം ലഭിക്കുന്നത് വേഗത്തിലാക്കുന്നതിന് സ്റ്റേഷന് ഹൗസ് ഓഫീസര്മാര് ആക്സിഡന്റ് ഇന്ഫര്മേഷന് റിപ്പോര്ട്ട് തയ്യാറാക്കി മൂന്നു മാസത്തിനകം ക്ലെയിംസ് ട്രിബ്യൂണലിനോ മറ്റ് ഏജന്സികള്ക്കോ സമര്പ്പിക്കണമെന്ന് സംസ്ഥാന പോലിസ് മേധാവി ലോക്നാഥ് ബെഹ്റ നിര്ദ്ദേശിച്ചു.
നഷ്ടപരിഹാരം ലഭിക്കാന് അര്ഹതയുണ്ടെന്ന് അവകാശപ്പെടുന്ന വ്യക്തിക്കും ഇന്ഷുറന്സ് സ്ഥാപനത്തിനും നിശ്ചിത ഫീസ് ഈടാക്കി അപകടത്തില്പ്പെട്ട വാഹനത്തിന്റെ വിവരങ്ങള് നല്കാം. നഷ്ടപരിഹാരത്തിനുള്ള അപേക്ഷ അപകടം നടന്ന് ആറു മാസത്തിനുശേഷം ക്ലെയിംസ് ട്രിബ്യൂണല് സ്വീകരിക്കില്ലെന്നതിനാല് അന്തിമ റിപ്പോര്ട്ട് പോലിസ് എത്രയും വേഗം നല്കേണ്ടതാണ്. മോട്ടോര് വെഹിക്കിള് നിയമത്തിലെ 159, 160, 166 എന്നീ വകുപ്പുകളുടെ അടിസ്ഥാനത്തിലാണ് നിര്ദ്ദേശം.
ഇക്കാര്യത്തില് സ്റ്റേഷന് ഹൗസ് ഓഫീസര്മാര് വ്യക്തിഗതശ്രദ്ധ പതിപ്പിക്കണം. എല്ലാ അപകടക്കേസുകളിലും നടപടിക്രമങ്ങള് പാലിക്കുന്നുണ്ടെന്ന് സബ്ബ് ഡിവിഷണല് പോലിസ് ഓഫീസര്മാര് ഉറപ്പുവരുത്തണം. നിര്ദ്ദേശങ്ങള് നടപ്പാക്കുന്നതില് വീഴ്ച വരുത്തുന്ന ഉദ്യോഗസ്ഥര്ക്കെതിരെ അച്ചടക്ക നടപടി സ്വീകരിക്കുമെന്നും സംസ്ഥാന പോലിസ് മേധാവി അറിയിച്ചു.
മഹാരാഷ്ട്രയില് ബഹുനില കെട്ടിടം തകര്ന്ന് എട്ടുമരണം; 25 പേരെ...
21 Sep 2020 2:40 AM GMTമലയാറ്റൂരില് പാറമടയില് പൊട്ടിത്തെറി; രണ്ട് അന്തര്സംസ്ഥാന...
21 Sep 2020 2:18 AM GMTകോഴിക്കോട് നാദാപുരത്ത് പുഴയില് കുളിക്കാനിറങ്ങിയ യുവാവ്...
21 Sep 2020 2:00 AM GMTസംസ്ഥാനത്തെ റേഷന്കടകള്ക്ക് ഇന്ന് അവധി
21 Sep 2020 1:36 AM GMTസംസ്ഥാനത്ത് ഇന്നും അതിതീവ്ര മഴ; പത്ത് ജില്ലകളില് ഓറഞ്ച് അലര്ട്ട്,...
21 Sep 2020 1:24 AM GMTരണ്ട് പുതിയ കണ്ടെയ്ന്മെന്റ് സോണുകള്; കോട്ടയം ജില്ലയില് ആകെ 32...
21 Sep 2020 12:50 AM GMT
