ദീപക്കിന്റെ ആത്മഹത്യ: പ്രതി ഷിംജിത ജയിലില്‍ തന്നെ, ജാമ്യമില്ല

കോഴിക്കോട്: ബസില്‍ വച്ച് ലൈംഗികാതിക്രമം നേരിട്ടെന്ന് ആരോപിച്ച് സമൂഹമാധ്യമങ്ങളില്‍ വിഡിയോ പങ്കുവച്ചതിനു പിന്നാലെ കോഴിക്കോട് സ്വദേശി ദീപക്ക് ജീവനൊടുക്കിയ കേസിലെ പ്രതിയായ ഷിംജിത മുസ്തഫയ്ക്ക് ജാമ്യം ലഭിച്ചില്ല.ജാമ്യാപേക്ഷ പരിഗണിക്കുന്നത് ഫെബ്രുവരി ആറിലേക്ക് മാറ്റി. റിമാന്‍ഡ് കാലാവധി ബുധനാഴ്ച പൂര്‍ത്തിയായതിനാല്‍ ജാമ്യം ലഭിക്കുമെന്നായിരുന്നു കരുതിയിരുന്നത്.

വ്യാഴാഴ്ച ഷിംജിതയെ പോലിസ് കസ്റ്റഡിയിലെടുക്കാനുള്ള അപേക്ഷ നല്‍കും. ആത്മഹത്യാ പ്രേരണാ കുറ്റം ചുമത്തിയായിരുന്നു ഷിംജിതയ്‌ക്കെതിരേ പോലിസ് കേസെടുത്തത്. ഷിംജിതയ്‌ക്കെതിരേ ദീപക്കിന്റെ കുടുംബം നല്‍കിയ പരാതിയിലാണ് കേസ് രജിസ്റ്റര്‍ ചെയ്തത്. ഷിംജിതയ്‌ക്കെതിരേ മറ്റൊരു യുവതിയും പോലിസില്‍ പരാതി നല്‍കിയിരുന്നു. ദീപക്കിനൊപ്പം ബസില്‍ സഞ്ചരിച്ചിരുന്ന യുവതിയാണ് പരാതി നല്‍കിയത്.