സ്മൃതി പരുത്തിക്കാടിനെതിരായ സൈബര് ആക്രമണം: പോലിസ് കേസെടുത്തു
ന്യൂസ് കഫെ ലൈവ് യുട്യൂബ് ചാനല് അവതാരകനെ പ്രതിയാക്കിയാണ് കോഴിക്കോട് മെഡിക്കല് കോളജ് പോലിസ് സ്വമേധയാ കേസെടുത്തത്.
കോഴിക്കോട്: മീഡിയവണ് സീനിയര് കോ ഓര്ഡിനേറ്റിങ് എഡിറ്റര് സ്മൃതി പരുത്തിക്കാടിനെതിരായ സൈബര് ആക്രമണത്തില് കോഴിക്കോട് മെഡിക്കല് കോളജ് പോലിസ് കേസെടുത്തു. ലൈംഗിക ചുവയോടെയുള്ള അധിക്ഷേപം ഉള്പ്പെടെയുള്ള വകുപ്പ് ചുമത്തിയാണ് കേസ് രജിസ്റ്റര് ചെയ്തിരിക്കുന്നത്. അപകീര്ത്തികരമായ പ്രചാരണം നടത്തിയ യുട്യൂബ് ചാനലിനെതിരേ കോടതിയെ സമീപിക്കാനുള്ള നടപടിയും തുടങ്ങി. മീഡിയവണിനെതിരെ തെറ്റായ പ്രചാരണങ്ങള്ക്കെതിരെയും കേസ് ഫയല് ചെയ്യും.
സ്മൃതി പരുത്തിക്കാടിനെതിരേ സമൂഹ മാധ്യമങ്ങളില് അപകീര്ത്തികരമായ പ്രചരണം നടക്കുന്ന സാഹചര്യത്തിലാണ് പോലിസ് കേസ് രജിസ്റ്റര് ചെയ്തത്. ന്യൂസ് കഫെ ലൈവ് യുട്യൂബ് ചാനല് അവതാരകനെ പ്രതിയാക്കിയാണ് കോഴിക്കോട് മെഡിക്കല് കോളജ് പോലിസ് സ്വമേധയാ കേസെടുത്തത്. ലൈംഗികച്ചുവയോടെയുള്ള അധിക്ഷേപം ഐപിസി 354 എ, സ്ത്രീത്വത്തെ അപമാനിക്കല് ഐപിസി 509 തുടങ്ങിയ വകുപ്പുകള് ചുമത്തിയിട്ടുണ്ട്. പോലിസ് ഇന്നലെ സ്മൃതി പരുത്തിക്കാടിന്റെ മൊഴി രേഖപ്പെടുത്തി.
അന്വേഷണം പൂര്ത്തിയാകുന്ന മുറക്ക് കൂടുതല് വകുപ്പുകള് കൂടി ഉള്പ്പെടുത്തിയേക്കും. സ്മൃതി പരുത്തിക്കാടിനെതിരെ മോശം പരാമര്ശങ്ങളുള്ള വീഡിയ പ്രചരിപ്പിച്ചതിന് ന്യൂസ് കഫെ ലൈവ് എന്ന യു ട്യൂബ് ചാനലിനെതിരെ അപകീര്ത്തി കേസ് ഫയല് ചെയ്യാനുള്ള നടപടികളും തുടങ്ങി. സ്മൃതി പരുത്തിക്കാട് വ്യക്തിപരമായും മീഡിയവണ് ചാനല് പ്രത്യേകമായും കേസ് ഫയല് ചെയ്യും.
RELATED STORIES
അറബ് വസന്തത്തില് നിന്ന് ഏകാധിപത്യത്തിലേക്ക്
21 July 2022 2:56 PM GMTജപ്പാന് മുന് പ്രധാനമന്ത്രിയെ വെടിവച്ചു കൊന്നത് ക്രിസ്ത്യന്...
14 July 2022 5:06 PM GMTഇസ്രായേൽ ഷെറിനെ കൊലപ്പെടുത്തിയത് ജോ ബൈഡൻ വെള്ളപൂശുന്നത് എന്തിന് ?
7 July 2022 4:51 PM GMTഗള്ഫില് അറബ്-സയണിസ്റ്റ്-നാറ്റോ സഖ്യമെന്ന് ഇറാന്| AROUND THE...
23 Jun 2022 3:18 PM GMTഅമേരിക്കയിലെ വെടിവയ്പും തോക്ക് ലോബിയും
16 Jun 2022 3:50 PM GMTഖസാക്കിസ്ഥാനിലെ പ്രക്ഷോഭവും ദാവോസിലെ ഉച്ചകോടിയും
9 Jun 2022 4:24 PM GMT