പിരിവ് നല്‍കാത്തതിന് മധ്യവയസ്‌കന് മര്‍ദനം: സിപിഎം ബ്രാഞ്ച് സെക്രട്ടറി കൊലക്കുറ്റത്തിന് അറസ്റ്റില്‍

തിരുവനന്തപുരം: പിരിവ് നല്‍കാതിരുന്നതിന്റെ പേരില്‍ മധ്യവയസ്‌കനെ ക്രൂരമായി മര്‍ദിച്ച സംഭവത്തില്‍ സിപിഎം ബ്രാഞ്ച് സെക്രട്ടറിയെ കൊലക്കുറ്റം ചുമത്തി അറസ്റ്റുചെയ്തു. പാറശ്ശാല കാരാളി ബ്രാഞ്ച് സെക്രട്ടറി പ്രദീപാണ് അറസ്റ്റിലായത്. പുതുവര്‍ഷരാത്രിയില്‍ ആഘോഷങ്ങള്‍ക്കിടയില്‍ പാറശ്ശാല സ്വദേശി സെന്തിലിനെ പ്രദീപും സംഘവും ചേര്‍ന്ന് ആക്രമിച്ചുവെന്നാണ് പരാതി.

പിരിവ് ചോദിച്ചിട്ട് നല്‍കാത്തതിന് നെഞ്ചിലൂടെ ഓട്ടോ കയറ്റി കൊല്ലാന്‍ ശ്രമിച്ചെന്നും ബന്ധുക്കള്‍ ആരോപിക്കുന്നു. ഓട്ടോറിക്ഷ കയറ്റി ഇറക്കിയതിനെ തുടര്‍ന്ന് സെന്തിലിന്റെ തുടയെല്ലുകളും വരിയെല്ലും പൊട്ടിയിട്ടുണ്ട്. തിരുവനന്തപുരം മെഡിക്കല്‍ കോളജ് ആശുപത്രിയില്‍ ചികില്‍സയില്‍ കഴിയുകയാണ് സെന്തില്‍. പിരിവ് ചോദിച്ച 100 രൂപ നല്‍കാത്തതിനാണ് ആക്രമിച്ചതെന്നാണ് ബന്ധുക്കളുടെ ആരോപണം.