കൊവിഡ്: സംസ്ഥാനത്ത് പരിഷ്കരിച്ച മാര്ഗനിര്ദേശങ്ങള് പുറത്തിറക്കി; ലക്ഷണങ്ങളില്ലാത്ത കൊവിഡ് ബാധിതര്ക്ക് സ്വന്തം വീടുകളില്തന്നെ ചികില്സ
ദിവസവും ടെലിഫോണിക് മോണിറ്ററിങ്, സ്വയം നിരീക്ഷിച്ച് രോഗലക്ഷണങ്ങള് റിപോര്ട്ട് ചെയ്യല്, ഫിങ്കര് പള്സ് ഓക്സിമെട്രി റെക്കോര്ഡ് എന്നിവയാണ് ഹോം ഐസൊലേഷനില് പ്രധാനം. ഇവര്ക്കാവശ്യമായ ഫിങ്കര് പള്സ് ഓക്സിമെട്രി റെക്കോര്ഡ് നല്കുന്നതാണ്.
തിരുവനന്തപുരം: സംസ്ഥാനത്ത് പരിഷ്കരിച്ച കൊവിഡ് ചികില്സാമാര്ഗനിര്ദേശങ്ങള് പുറത്തിറക്കിയതായി ആരോഗ്യമന്ത്രി കെ കെ ശൈലജ അറിയിച്ചു. രോഗബാധിതര്ക്കും ആരോഗ്യപ്രവര്ത്തകര്ക്കും പൊതുജനങ്ങള്ക്കും സഹായകരമായ രീതിയിലാണ് മാര്ഗനിര്ദേശങ്ങള് പുതുക്കിയത്. കൊവിഡിന്റെ മൂന്നാംഘട്ടത്തില് രോഗബാധിതരുടെ എണ്ണം ഉയര്ന്നെങ്കിലും ചികില്സയിലും രോഗം ഭേദമാവുന്നവരുടെ എണ്ണത്തിലും കേരളം ബഹുദൂരം മുന്നിലാണ്. മരണനിരക്ക് പരമാവധി കുറയ്ക്കാന് സംസ്ഥാനത്തിനായെന്നും മന്ത്രി വ്യക്തമാക്കി.
ഹോം കെയര് ഐസൊലേഷന്
ജീവിതശൈലീ രോഗങ്ങളോ മറ്റ് പ്രശ്നങ്ങളോ കൊവിഡ് ലക്ഷണങ്ങളോ ഇല്ലാത്ത കൊവിഡ് ബാധിതരെ സ്വഭവനങ്ങളില് ഐസൊലേഷനില് ചികില്സിക്കാവുന്നതാണ്. ദിവസവും ടെലിഫോണിക് മോണിറ്ററിങ്, സ്വയം നിരീക്ഷിച്ച് രോഗലക്ഷണങ്ങള് റിപോര്ട്ട് ചെയ്യല്, ഫിങ്കര് പള്സ് ഓക്സിമെട്രി റെക്കോര്ഡ് എന്നിവയാണ് ഹോം ഐസൊലേഷനില് പ്രധാനം. ഇവര്ക്കാവശ്യമായ ഫിങ്കര് പള്സ് ഓക്സിമെട്രി റെക്കോര്ഡ് നല്കുന്നതാണ്.
ത്രിതല മോണിറ്ററിങ് സംവിധാനമാണ് ഏര്പ്പെടുത്തിയിരിക്കുന്നത്. ജെപിഎച്ച്എന്, ആശാ വര്ക്കര്, വളണ്ടിയര് എന്നിവരാരെങ്കിലും നിശ്ചിതദിവസങ്ങളില് അവരെ സന്ദര്ശിച്ച് വിലയിരുത്തുന്നു. നിരീക്ഷണത്തിലുള്ളവര്ക്ക് തൊട്ടടുത്ത ആരോഗ്യകേന്ദ്രത്തിലെ മെഡിക്കല് ഓഫിസറുടെ നിരീക്ഷണവുമുണ്ടായിരിക്കും. ലോകത്ത് തന്നെ ആദ്യമായാണ് വീട്ടില് ചികില്സയ്ക്കുള്ളവര്ക്ക് ഡോക്ടറുടെ സേവനം ഉറപ്പുവരുത്തുന്നത്.
പുതിയ ചികില്സാമാര്ഗനിര്ദേശങ്ങളുടെ പ്രത്യേകതകള്
അധ്വാനിക്കുമ്പോഴോ അല്ലെങ്കില് സാധാരണ നടക്കുമ്പോഴോക്കെ പ്രത്യേകിച്ചും കൊവിഡ് ബാധിതര്ക്ക് സംഭവിക്കാവുന്ന ശ്വാസതടസ്സം അഥവാ എക്സെര്ഷണല് ഡിസ്പനിയ എന്ന രോഗലക്ഷണം അടിസ്ഥാനമാക്കിയാണ് ചികില്സാമാര്ഗനിര്ദേശങ്ങള് പരിഷ്കരിച്ചത്. എക്സെര്ഷണല് ഡിസ്പനിയ അടിസ്ഥാനമാക്കി ചികില്സാമാര്ഗനിര്ദേശങ്ങള് ആദ്യമായി നിശ്ചയിച്ച സംസ്ഥാനം കൂടിയാണ് കേരളം. കേരളത്തിലെ കോവിഡ് ബാധിതരുടെ മരണനിരക്ക് ഗണ്യമായി കുറച്ചതില് എക്സെര്ഷണല് ഡിസ്പനിയുടെ നിരീക്ഷണത്തില് ഒരു പ്രധാന പങ്കുണ്ട്.
വിശ്രമിക്കുമ്പോള് ഉണ്ടാവുന്ന ശ്വാസതടസം അഥവാ റെസ്റ്റിങ്ങ് ഡിസ്നിയ മാറി മിതമായ അധ്വാനങ്ങളില് ഏര്പ്പെടുമ്പോള് ഉണ്ടാവുന്ന ശ്വാസതടസം അഥവാ എക്സെര്ഷണല് ഡിസ്പനിയ അടിസ്ഥാനമാക്കിയാണ് പരിഷ്കരിച്ച കൊവിഡ് മാര്ഗനിര്ദേശങ്ങള്ക്ക് രൂപം നല്കിയത്. കൊവിഡ് ബാധിതരെ രോഗലക്ഷണമനുസരിച്ച് എ, ബി, സി എന്നിങ്ങനെ തരംതിരിക്കുന്നത് പുറമേ ലഘു, മിതം, തീവ്രം എന്നിവ നിശ്ചയിച്ചതിലൂടെ കൃത്യമായി ചികില്സ ലഭ്യമാക്കുന്നതിന് പരിഷ്ക്കരിച്ച മാര്ഗനിര്ദേശങ്ങള് സഹായിക്കുന്നു. ഇതടിസ്ഥാനമാക്കി എ, ബി കാറ്റഗറിയിലുള്പ്പെടുന്നവരെ കൊവിഡ് ഫസ്റ്റ്ലൈന് ട്രീറ്റ്മെന്റ് സെന്ററിലേക്കും സി കാറ്റഗറിയില് ഉള്പ്പെടുന്നവരെ വിദഗ്ധചികില്സയ്ക്കായി കൊവിഡ് ആശുപത്രികളിലും പ്രവേശിപ്പിക്കുന്നതായിരിക്കും.
സി കാറ്റഗറിയില് ഉള്പ്പെടുന്നവര്ക്കുണ്ടാവുന്ന ഗുരുതരാവസ്ഥ മുന്കൂട്ടി തിരിച്ചറിഞ്ഞ് ഉടനടി തീവ്രപരിചരണ ചികില്സ ആരംഭിച്ച് രോഗികളെ ജീവിതത്തിലേക്ക് തിരിച്ചുകൊണ്ടുവരാന് സാധിക്കുന്നു. രോഗിയുടെ കൂടെ കൂട്ടിരിപ്പുകാര് ആരുംതന്നെ ആശുപത്രിയില് ഇല്ലാത്ത പ്രത്യേക സാഹചര്യത്തില് പോലും അടിയന്തരചികില്സ മുടക്കം വരാന് പാടില്ലെന്നും നിര്ദേശമുണ്ട്. ക്രിട്ടിക്കല് കെയറുമായി ബന്ധപ്പെട്ട് നേരിട്ടുള്ള കന്സൈന്റ് പലപ്പോഴും ലഭ്യമാകാത്ത ഘട്ടങ്ങളില് പോലും ഫോണ് വഴി ബന്ധുക്കളുടെ സമ്മതം സ്വീകരിച്ചും ചികില്സകള് നടത്താവുന്നതാണ്.
RELATED STORIES
ദുഃഖ വെള്ളിയും ഈസ്റ്ററും പ്രവൃത്തി ദിനങ്ങളായി പ്രഖ്യാപിച്ച ...
28 March 2024 10:18 AM GMTപയ്യാമ്പലത്ത് സിപിഎം നേതാക്കളുടെ സ്മൃതി കുടീരങ്ങളില് കരി ഓയില്...
28 March 2024 10:17 AM GMTതാജ്മഹൽ ശിവക്ഷേത്രമായി പ്രഖ്യാപിക്കണം; യു പി കോടതിയിൽ പുതിയ ഹരജി
28 March 2024 10:16 AM GMTസ്ഥിരമായി കാട്ടാന ആക്രമണം; നൂറ് കണക്കിന് മരങ്ങളും കൃഷിയും നശിപ്പിച്ചു; ...
28 March 2024 10:14 AM GMTകെജ് രിവാളിന് മുഖ്യമന്ത്രിയായി തുടരാം; നീക്കണമെന്ന ഹരജി ഡല്ഹി...
28 March 2024 9:38 AM GMTയുഎഇയില് മലയാളി ഉടമയുടെ ചതിയില്പ്പെട്ട മുന് സൈനികന് 40 ലക്ഷം...
28 March 2024 9:13 AM GMT