കോഴിക്കോട് മൂന്നുപേര്ക്ക് കൂടി രോഗമുക്തി; 487 പേര്കൂടി നിരീക്ഷണം പൂര്ത്തിയാക്കി
ജില്ലയില് കൊവിഡ് സ്ഥിരീകരിച്ച ഒരു തമിഴ്നാട് സ്വദേശി ഉള്പ്പെടെയുള്ള ആകെ 24 പേരില് 11 പേരാണ് ഇപ്പോള് പോസിറ്റീവായി ചികില്സയിലുള്ളത്.
കോഴിക്കോട്: കൊവിഡ് ബാധിച്ച് കോഴിക്കോട് മെഡിക്കല് കോളജ് ആശുപത്രിയില് ചികില്സയിലായിരുന്ന ഒരു കണ്ണൂര് സ്വദേശി ഉള്പ്പെടെ മൂന്ന് പേര്ക്കുകൂടി ഇന്ന് ജില്ലയില് രോഗമുക്തി. കോഴിക്കോട് എടച്ചേരി സ്വദേശികളായ രണ്ടുപേരും കണ്ണൂര് കൂത്തുപറമ്പ് സ്വദേശിയുമാണ് രോഗമുക്തരായത്. ഇതോടെ രോഗം ഭേദമായ കോഴിക്കോട് ജില്ലക്കാര് ആകെ 13 ഉം ഇതര ജില്ലക്കാര് അഞ്ചുമായി. ജില്ലയില് കൊവിഡ് സ്ഥിരീകരിച്ച ഒരു തമിഴ്നാട് സ്വദേശി ഉള്പ്പെടെയുള്ള ആകെ 24 പേരില് 11 പേരാണ് ഇപ്പോള് പോസിറ്റീവായി ചികില്സയിലുള്ളത്.
487 പേര്കൂടി വീടുകളില് നിരീക്ഷണം പൂര്ത്തിയാക്കിയതായി ജില്ലാ മെഡിക്കല് ഓഫിസര് ഡോ. വി ജയശ്രീ അറിയിച്ചു. ഇതോടെ നിരീക്ഷണകാലയളവ് പൂര്ത്തിയാക്കിയവരുടെ എണ്ണം 21,665 ആയി. 1,193 പേരാണ് നിരീക്ഷണത്തില് തുടരുന്നത്. ഇന്ന് പുതുതായി വന്ന 22 പേര് ഉള്പ്പെടെ ആകെ 58 പേരാണ് ആശുപത്രിയില് നിരീക്ഷണത്തിലുള്ളത്. 12 പേരെ ഡിസ്ചാര്ജ് ചെയ്തു. ഇന്ന് 26 സ്രവസാംപിള് പരിശോധനയ്ക്ക് അയച്ചിട്ടുണ്ട്. ആകെ 812 സ്രവ സാംപിളുകള് പരിശോധനയ്ക്ക് അയച്ചതില് 781 എണ്ണത്തിന്റെ ഫലം ലഭിച്ചു. ഇതില് 751 എണ്ണം നെഗറ്റീവാണ്. ഇനി 31 പേരുടെ പരിശോധനാ ഫലംകൂടി ലഭിക്കാനുണ്ട്. ഇന്ന് ജില്ലാ കലക്ടറുടെ അധ്യക്ഷതയില് യോഗം ചേര്ന്ന് കൊവിഡ് പ്രതിരോധപ്രവര്ത്തനങ്ങള് വിലയിരുത്തി.
ആരോഗ്യവകുപ്പ് ഡയറക്ടര് വീഡിയോ കോണ്ഫറന്സിലൂടെ ജില്ലാ കൊറോണ കണ്ട്രോള് സെല്ലിന്റെ പ്രവര്ത്തനം വിലയിരുത്തി. ജില്ലാ പ്രോഗ്രാം ഓഫിസര്മാര് വിവിധ പ്രാഥമികാരോഗ്യകേന്ദ്രങ്ങള് സന്ദര്ശിക്കുകയും പ്രതിരോധപ്രവര്ത്തനങ്ങള് വിലയിരുത്തുകയും ചെയ്തു. മാനസികസംഘര്ഷം കുറയ്ക്കുന്നതിനായി മെന്റല് ഹെല്ത്ത് ഹെല്പ്പ് ലൈനിലൂടെ 30 പേര്ക്ക് ഇന്ന് കൗണ്സലിങ് നല്കി. 156 പേര്ക്ക് മാനസികസംഘര്ഷം ലഘൂകരിക്കുന്നതിന്റെ ഭാഗമായി ഫോണിലൂടെയും സേവനം നല്കി. 2867 സന്നദ്ധസേനാ പ്രവര്ത്തകര് 9,516 വീടുകള് സന്ദര്ശിച്ച് ബോധവല്ക്കരണം നടത്തി.
RELATED STORIES
ഐപിഎല് അപരാജിതരെ സണ്റൈസേഴ്സ് വീഴ്ത്തി; ഒരു റണ് തോല്വിയില്...
2 May 2024 6:15 PM GMT'400 സ്ത്രീകളെ ബലാല്സംഗം ചെയ്തയാള്ക്ക് വോട്ട് ചെയ്യാനാണ് പറയുന്നത്'; ...
2 May 2024 2:13 PM GMTഡ്രൈവിങ് ടെസ്റ്റ് പരിഷ്കരണത്തിനെതിരായ സമരം; മലപ്പുറം ജില്ലക്കെതിരായ...
2 May 2024 1:20 PM GMT'ബിജെപിക്ക് വോട്ട്'; അധിര് രഞ്ജന് ചൗധരിക്കെതിരേ തൃണമൂലും മമതയും
2 May 2024 11:40 AM GMTപോലിസുകാരനെ വിഷദ്രാവകം കുത്തിവെച്ച് കൊലപ്പെടുത്തി ലഹരി സംഘം
2 May 2024 11:39 AM GMTവടകരയിലെ വർഗീയ ധ്രുവീകരണം കലക്ടർ ഇടപെടണം: എസ്ഡിപിഐ
2 May 2024 11:38 AM GMT