സംസ്ഥാനത്ത് കൊവിഡ് രോഗികള് അഞ്ചുലക്ഷം കടന്നു; ജീവന്റെ വിലയുള്ള ജാഗ്രത തുടരണമെന്ന് ആരോഗ്യവകുപ്പ്
ആദ്യഘട്ടത്തില് മൂന്ന് കേസുകളാണുണ്ടായത്. മെയ് 3 വരെയുള്ള രണ്ടാംഘട്ടത്തില് 496 പേര്ക്കാണ് ആകെ രോഗം ബാധിച്ചത്. മെയ് 3ന് ചികില്സയിലുള്ളവരുടെ എണ്ണം 95 ആയി കുറയുകയും രോഗമുക്തി നേടിയവരുടെ എണ്ണം 401 ആയി ഉയരുകയും ചെയ്തു.
തിരുവനന്തപുരം: സംസ്ഥാനത്ത് ആകെ കൊവിഡ് രോഗികളുടെ എണ്ണം അഞ്ചുലക്ഷം (5,02,719) കടന്ന സാഹചര്യത്തില് ജീവന്റെ വിലയുള്ള ജാഗ്രത തുടരണമെന്ന് ആരോഗ്യമന്ത്രി കെ കെ ശൈലജ. കഴിഞ്ഞ സപ്തംബര് 11നാണ് ആകെ രോഗികളുടെ എണ്ണം ഒരുലക്ഷം കഴിഞ്ഞത്. കേവലം രണ്ടുമാസം കൊണ്ടാണ് രോഗികളുടെ എണ്ണം അഞ്ചുലക്ഷമായത്. ആകെ രോഗികളുടെ എണ്ണം അഞ്ചുലക്ഷം കഴിഞ്ഞപ്പോഴും രോഗമുക്തരുടെ എണ്ണം 4,22,410 ആണ്. ഇനി ചികില്സയിലുള്ളത് 78,420 പേരാണ്.
ആകെ കൊവിഡ് ബാധിതരുടെ എണ്ണം 5 ലക്ഷം കടന്നപ്പോഴും മരണസംഖ്യ 1,771 മാത്രമെന്നത് ആശ്വാസം നല്കുന്നതാണ്. മറ്റ് സ്ഥലങ്ങളില് ഉയര്ന്ന മരണനിരക്കുള്ളപ്പോള് കേരളത്തിലെ മരണനിരക്ക് 0.35 ആണ്. രോഗികളുടെ എണ്ണം കുറഞ്ഞുവരുന്നെങ്കിലും ജാഗ്രത തുടരേണ്ടതാണ്. ഈ തീര്ത്ഥാടന കാലത്തും തിരഞ്ഞെടുപ്പുകാലത്തും ഒട്ടും അലംഭാവം പാടില്ലെന്നും മന്ത്രി വ്യക്തമാക്കി.
കഴിഞ്ഞ 10 മാസക്കാലമായി കൊവിഡിനെതിരായ പ്രതിരോധത്തിലാണ് സംസ്ഥാനം. ഇന്ത്യയിലാദ്യമായി കൊവിഡ് റിപോര്ട്ട് ചെയ്തത് 2020 ജനുവരി 30ന് ചൈനയിലെ വുഹാനില്നിന്നും വന്ന ഒരു വിദ്യാര്ഥിയിലൂടെ കേരളത്തിലാണ്. എന്നാല് മറ്റ് പല സംസ്ഥാനത്തും രോഗബാധ കുതിച്ചുയര്ന്നപ്പോഴും പിടിച്ചുനില്ക്കാന് നമുക്കായി. ആദ്യഘട്ടത്തില് മൂന്ന് കേസുകളാണുണ്ടായത്. മെയ് 3 വരെയുള്ള രണ്ടാംഘട്ടത്തില് 496 പേര്ക്കാണ് ആകെ രോഗം ബാധിച്ചത്. മെയ് 3ന് ചികില്സയിലുള്ളവരുടെ എണ്ണം 95 ആയി കുറയുകയും രോഗമുക്തി നേടിയവരുടെ എണ്ണം 401 ആയി ഉയരുകയും ചെയ്തു.
ലോക്ക് ഡൗണ് മാറി മെയ് 4ന് ചെക്ക്പോസ്റ്റുകള് തുറന്നതോടെ മൂന്നാംഘട്ടത്തില് രോഗികളുടെ എണ്ണം പതിയെ വര്ധിച്ചു. തുടര്ന്ന് സംസ്ഥാനത്തിന്റെ വിവിധ ഭാഗങ്ങളില് ക്ലസ്റ്ററുകള് രൂപപ്പെട്ടു. ക്ലസ്റ്റര് സ്ട്രാറ്റജി ആവിഷ്കരിച്ച് രോഗനിയന്ത്രണത്തിന് സാധിച്ചു. പിന്നീട് ഓണം കഴിഞ്ഞുള്ള ആഴ്ചകളില് പ്രതിദിന രോഗികളുടെ എണ്ണം കൂടി 10,000 കഴിഞ്ഞു. ഒരുഘട്ടത്തില് ചികില്സയിലുള്ളവരുടെ എണ്ണം 95,000വും കടന്നു. പ്രതിദിന രോഗികളുടെ എണ്ണം 30,000ന് മുകളിലാവുമെന്ന് വിദഗ്ധര് മുന്നറിയിപ്പ് നല്കിയതാണ്.
എന്നാല്, എല്ലാവരും ജാഗ്രത പാലിച്ചതോടെ പ്രതിദിന രോഗികളുടെ എണ്ണം കുറയ്ക്കാനായി. ടെസ്റ്റ് പോസിറ്റിവിറ്റി നിരക്കും കുറയ്ക്കാന് സാധിച്ചു. ആരില്നിന്നും കൊവിഡ് പകരുന്ന അവസ്ഥയാണ് ഇപ്പോഴുമുള്ളത്. അതിനാല്, ഓരോരുത്തരും വളരെയേറെ ശ്രദ്ധിക്കണം. തദ്ദേശസ്വയംഭരണ തിരഞ്ഞെടുപ്പിലും മറ്റും എല്ലാവരും ആരോഗ്യ വകുപ്പ് നല്കുന്ന മാര്ഗ നിര്ദേശങ്ങള് പാലിക്കണം. കൃത്യമായ സാമൂഹിക അകലം പാലിക്കുകയും മാസ്ക് ധരിക്കുകയും ഇടയ്ക്കിടയ്ക്ക് കൈകള് സോപ്പുപയോഗിച്ച് കഴുകുകയും വേണം. എല്ലാവരും ജാഗ്രത പാലിച്ചാല് കൂടുതല് വ്യാപനമുണ്ടാവാതെ പിടിച്ചുനിര്ത്താന് സാധിക്കുമെന്നും മന്ത്രി വ്യക്തമാക്കി.
RELATED STORIES
'400 സ്ത്രീകളെ ബലാല്സംഗം ചെയ്തയാള്ക്ക് വോട്ട് ചെയ്യാനാണ് പറയുന്നത്'; ...
2 May 2024 2:13 PM GMTഡ്രൈവിങ് ടെസ്റ്റ് പരിഷ്കരണത്തിനെതിരായ സമരം; മലപ്പുറം ജില്ലക്കെതിരായ...
2 May 2024 1:20 PM GMT'ബിജെപിക്ക് വോട്ട്'; അധിര് രഞ്ജന് ചൗധരിക്കെതിരേ തൃണമൂലും മമതയും
2 May 2024 11:40 AM GMTപോലിസുകാരനെ വിഷദ്രാവകം കുത്തിവെച്ച് കൊലപ്പെടുത്തി ലഹരി സംഘം
2 May 2024 11:39 AM GMTവടകരയിലെ വർഗീയ ധ്രുവീകരണം കലക്ടർ ഇടപെടണം: എസ്ഡിപിഐ
2 May 2024 11:38 AM GMTനോട്ടയ്ക്ക് വോട്ട് ചെയ്യാന് ആഹ്വാനം ചെയ്ത് കോണ്ഗ്രസ്|thejasnews
2 May 2024 11:27 AM GMT